ფრანგულმა rugbyrama-მ მსოფლიოს ყველაზე პერსპექტიული 5 გამთამაშებელი დაასახელა და ამ სიაში საქართველოს ნაკრებისა და "მონპელიეს" მორაგბე გელა აფრასიძე შეიყვანა, სტატიას მისი სურათი წარუმძღვარა და პირველ რიგში, ის დაახასიათა.
გელა აფრასიძე (მონპელიე, 22 წლის)
"მიუხედავად იმისა, რომ საჯარო ყურადღება გასულ სეზონში მიიპყრო, ვინც U20-ის ჩემპიონატებს ადევნებს თვალს, მისი პოტენციალის შესახებ კარგა ხანია იცის. 2016 წელს U20-ის ჩემპიონატზე 18 წლის ასაკში დებიუტი ჰქონდა, ხოლო მომდევნო ორ ანალოგიურ შეჯიბრის ერთ-ერთი სავიზიტო ბარათი იყო. 2017 წელს რაგბის ევროპას ჩემპიონატზე პირველ ნაკრებშიც იასპარეზა. გასული წლის
შემოდგომაზე თავის პირველ მსოფლიოს თასზე მიიღო მონაწილეობა, სადაც სათამაშო დროს ვასილ ლობჟანიძესთან ერთად იყოფდა, რომელიც "ბრივის" ღირსებას იცავს.
აფრასიძე არაპროგნოზირებადი მოთამაშეა, ფეთქებადი სასტარტო სისწრაფე აქვს და მიუხედავად მცირე გაბარიტებისა (175 სმ, 70 კგ), მისთვის ბოჭვის გაკეთება ძალიან რთულია. ეს 22 წლის ქართველის ფართო დიაპაზონის მხოლოდ მცირე ჩამონათვალია. გელა შესანიშნავად ურტყამს ბურთს ფეხით და შორი დისტანციიდან ისეთივე წარმატებით შეუძლია გატანა, როგორც ღრმა დაცვიდან მეტოქის ნახევრის აუტში გადატანა. "მონპელიე" არ შემცდარა არჩევანში, როდესაც 2017 წელს მიიწვია. აფრასიძეს დიდი მომავალი ელის."
გამოცემამ ხუთეულში აფრასიძის გარდა ბენ უაითი ("ლესტერი", 21 წლის), ტეიტ მაკდერმოტი ("რედსი", 21), კრეიგ კეისი ("მანსტერი", 21) და ჯეიმი დობი ("გლაზგო", 18) შეიყვანა.
რატომ არ უნდა მიიღონ 6 ერში საქართველო? - ინგლისელი ჟურნალისტი სარაგბო აპარტეიდზე საუბრობს!
გელა აფრასიძემ "მონპელიესთან" კონტრაქტი გაახანგრძლივა
