ქართული რაგბის რეკორდსმენმა კარიერა დაასრულა

AutoSharing Option
საქართველოს ნაკრების რეკორდსმენმა და ერთ-ერთმა საუკეთესო მორაგბე დავით კაჭარავამ კარიერა დაასრულა და საზოგადოებას ამის შესახებ სოციალურ ქსელ "ფეისბუქის" საშუალებით ამცნო.

"გამარჯობა! დადგა დღე, რომელიც ჩემთვის ძალიან ემოციურია! დღე, როდესაც ჩემი რაგბის კარიერა დასრულდა! როგორც სანაკრებო, ასევე საკლუბო. მინდა მადლობა ვუთხრა ჩემს გულშემატკივრებს, რომლებიც მუდმივად გვერდში მედგნენ, როგორც წარმატებულ, ასევე ყველაზე მძიმე პერიოდშიც. მადლობა ჩემს ოჯახის წევრებს, მეგობრებს ხელშეწყობისთვის!

მადლობა რაგბის ფედერაციის ყველა თანამშრომელს, ვინც წლების მანძილზე თავისი შრომით, ერთი აგურის დადებით მაინც შეიტანა წვლილი რაგბის განვითარებაში.
მადლობა კლუბ ყოჩებს, მის
პრეზიდენტს გუგა გეგენავას, მადლობა მწვრთნელებს!
განსაკუთრებული მადლობა ნუგზარ მალაღურაძეს, მისი მწვრთნელობის პერიოდში მოხდა ჩემი ძირითადი ფასეულობების ჩამოყალიბება.

მეამაყება, რომ მრავალი წლის მანძილზე ერთ-ერთი ყველაზე წარმატებული გუნდის, საქართველოს მორაგბეთა ეროვნული ნაკრების წევრი ვიყავი. მადლობა ეროვნული ნაკრების ყველა მოთამაშეს, ვის გვერდშიც მითამაშია. მადლობა რაგბის, მადლობა საქართველოს იმისთვის, რომ მენდო, იმისთვის, რომ მომცა შანსი მისი წარმატებისთვის მებრძოლა.

რაგბიმ ბევრად მეტი მომცა, ვიდრე მე დავუბრუნე!
მე ყოველთვის მორაგბედ და მორაგბეების გულშემატკივრად დავრჩები...
თქვენ გვერდში ვიქნები, ბიჭებო,  რითიც და როგორც შემეძლება...
წარმატებას ვუსურვებ ქართულ რაგბის!
რაგბი ჩვენი თამაშია!
მადლობა!" - დაწერა "კაჭიმ".

დავით კაჭარავას "ბორჯღალოსანთა" მაისურით 122 მატჩი აქვს ჩატარებული, რაც ჩვენი ნაკრების რეკორდული მაჩვენებელია. დავითმა ამ შეხვედრებში 25 ლელო დადო და ნაკრებს 125 ქულა მოუტანა. ამასთანავე, "კაჭიმ" ჩვენი ქვეყნის სახელით 4 მსოფლიო თასზე ითამაშა. 

altდავით კაჭარავა და მიხეილ გაჩეჩილაძე კონტინენტის ფარის გამარჯვებულები გახდნენ

მკითხველის კომენტარები / 30 /
ჩემი აზრი: - რაგბში პელე და კაცი იყო, პოლიტიკაში არაკაცი და კუანაა....წადი თხა და დი გიგო წაიკითხე მაინც...თავს იფუჭებ და სახელს იტეხ კუნთმაგარო და უტვინო...
korfu
21:04 13-09-2020
3
ძალიან მიყვარდა ეს ბიჭი, ალალი კაცის შთაბეჭდილებას ტოვებდა, თავდადებული გულიანი მოთამაშე, ყოველთვის ფორმაში იყო, მარა რა გააკეთა ეს, რა სისულელე ჩაიდინა, ვინ გადარია და გააგიჟა, რას ფიქრობს, რატომ მოუნდა მარიონეტად ყოფნა??
3

ასევე დაგაინტერესებთ
სიახლეები პოპულარული