<p>ტოპ 14-ის მიმდინარე სეზონში "ბრივის" ქართველმა ლეგიონერმა ვასილ ლობჟანიძემ მეორე ლელო გაიტანა. მისმა გუნდმა მე-9 ტურში "რასინგ 92"-ს უმასპინძლა და მიუხედავად იმისა, რომ მეტოქეზე ერთით მეტი – 5 ლელო გაიტანა, 38:43 დამარცხდა.</p><p>ლობჟანიძე სასტარტო შემადგენლობაში იყო, 56-ე წუთზე შეცვალეს, თუმცა 12 წუთში მოედანზე მოუწია დაბრუნება. 34-ე წუთზე, ხელდახელ სწრაფი შეტევისას, მან რაქიდან გამოვარდნილი ბურთი აიტაცა, პასის იმიტირებით მცველი მოატყუა, ხაზი გაჭრა და თავისი გუნდის პირველი ლელოთი ჩამორჩენა 3 ქულამდე დაიყვანა. 74-ე წუთზე ვასკამ კიდევ ერთი ლელო შექმნა. მან თავის ნახევარზე სწრაფად გაითამაშა ჯარიმა, რამდენიმე მეტრით წინ წაიწია და ფეხით გამოზომოლი დარტყმით, თანაგუნდელი საპირისპირო ფრთაზე მოძებნა, მისი გამჩერებელი კი აღარავინ იყო. "ბრივის" რიგებში პირველიდან 47-ე წუთამდე ითამაშა ვანო კარკაძემ.</p><p>"კასტრმა" "კლერმონს" უმასპინძლა და 26:22 დაამარცხა. გამარჯვებულთა შორის 51-ე წუთიდან ითამაშა ლევან ჩილაჩავამ. სტუმართა ძირითადში იყო და 45-ე წუთზე შეცვალეს დუდუ ქუბრიაშვილი. მანამდე, მე-20 წუთზე, მან ყვითელი ბარათი მიიღო.</p><p>"სტად ფრანსე" "მონპელიეს" ეწვია და მხოლოდ ნუგეშ-ქულას დასჯერდა – 19:23. პარიზელთა მარქაფაში ორი ქართველი იყო – ვასილ კაკოვინმა 44-ე, ხოლო გიორგი მელიქიძემ 49-ე წუთიდან ითამაშა.</p><p>გიორგი თეთრაშვილის "პერპინიანმა" "ლიონს" 28:21 მოუგო. ქართველმა ბურჯმა შეცვლაზე 49-ე წუთიდან ითამაშა. "ლიონის" ძირითადში ორი ქართველი იყო. დავით ნინიაშვილს პირველ ტაიმში გარკვეული დროით მოედნის დატოვება მოუწია, თუმცა თამაშში მალევე დაბრუნდა და შეუცვლელად გაისარჯა. ბექა საღინაძე 74-ე წუთზე შეცვალეს.</p><p>"პო" "ლა როშელს" ეწვია და 38:21 სძლია. სტუმართა გამარჯვებაში საკუთარი წვლილი ორმა ჩვენებურმა შეიტანა. ფლანკერად შეუცვლელად ითამაშა გუნდის კაპიტანმა ბექა გორგაძემ. ძირითადში იყო და 55-ე წუთზე შეცვალეს გურამ პაპიძე. მასპინძელთა რიგებში შეცვლაზე 58-ე წუთზე გამოჩნდა ალექსანდრე ქუნთელია.</p><p>"ბორდომ" "ტულონი" მიიღო და დაძაბულ ბრძოლაში 27:26 დაამარცხა. ორივე გუნდის მარქაფაში თითო ქართველი ბურჯი იყო. ლექსო ყაულაშვილი "ბორდოს" რიგებში შესვენების შემდეგ გამოჩნდა, ხოლო ბექა გიგაშვილი თამაშში 55-ე წუთიდან ჩაერთო.</p><p><p><p>ინგლისის პრემიერშიფის მე-8 ტურში "გლოსთერმა" "ექსეთერი" 38:22 დაამარცხა და ბონუსიც აიღო. მას 6 თამაშიდან 25 ქულა აქვს და სატურნირო ცხრილში მეორე ადგილზეა. ქართველი შუამარბი გიორგი კვესელაძე სასტარტო შემადგენლობაში იყო და 66-ე წუთზე შეცვალეს.</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
გია ხარაიშვილს "ბარბაროსებში" უხმეს
დავით ბოლღაშვილის "მონაკომ" ფედერალ 1-ში დაბრუნება იზეიმა!
ნიკა ამაშუკელი საუკეთესო მსაჯთა ათეულში დაასახელეს
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
რიჩარდ ქოქრილი: ვაშენებთ გუნდს, რომელმაც 2027 წლის მსოფლიო თასზე 1/4-ფინალში გასვლისთვის უნდა იბრძოლოს
ვასილ ლობჟანიძე: ფინალს ყოველთვის ახლავს სირთულეები
რა რეაქცია ჰქონდა ვასილ ლობჟანიძეს საოცარ ფოტოზე - ავტორის კომენტარი
ლეგიონერები | სამი ლელო ტოპ 14-ის მე-5 ტურში
ვასილ ლობჟანიძე - "ბორჯღალოსნების" 35-ე კაპიტანი!
საახალწლო საჩუქარი ლეგიონერებისგან - ხუთი ლელო საფრანგეთიდან