იაპონიაში მიმდინარე მსოფლიო თასზე საქართველოს ნაკრბის ქვეჯგუფში მყოფი ურუგვაისა და უელსის ნაკრების თამაშის უდიდესი ნაწილი ძალიან დაძაბულად მიმდინარეობდა, თუმცა უელსელთა ძალამ თავისი გაიტანა და სამხრეთ ამერიკელთა დამარცხება მოახერხეს- 35:13.
პირველი ტაიმმა ყველასთვის მოულოდნელად, მეტნაკლებად თანაბარ ბრძოლაში ჩაიარა და ანგარიშიც შესაბამისი დაფიქსირდა. უელსელბმა ლელო მე-17 წუთზე დადეს, თავი სმითმა გამოიჩინა, გარდასახვა კი ზუსტად ჰალპენიმ შეასრულა. თუმცა, პირველი ტაიმში მეტი ქულა ბრიტანელებმა ვეღარ მოიპოვეს, ურუგვაელმა ბერჩესიმ კი 2 ჯარიმა გაიტანა და პირველი ნახევარი უელსმა მხოლოდ 1 ქულის სხვაობით მოიგო- 7:6.
49-ე წუთზე
მეორე ლელო დადეს ულსელებმა, ხოლო 67-ე წუთზე კი, ურუგვაი საჯარიმო ლელოთი დაისაჯა და ანგარიში 21:6 გახდა. თუმცა, ურუგვაელებმაც მოახერხეს ლელოს დადება, უელსის ჩათვლის მოედანში ბურთი კესლერმა დაამიწა, გარდასახვა ზუსტად ბერჩესიმ შეასრულა. 75-ე წუთზე უელსელებმაც დადეს ლელო, თავი უილიამსმა გამოიჩინა. ამის შემდეგ, როცა ანგარიში 28:13 გახლდათ, დრო კი დიდი ხნის გაწითლებული იყო, მოედნის ფარგლებს მიღმა ბურთი არცერთმა გუნდმა არ გადააგდო და საბოლოოდ უელსელებმა კიდევ ერთი ლელო 80+5 წუთზე დადეს, ეს დეივისმა გააკეთა. ჰალპენიმ გარდასახვა ზუსტად შეასრულა და შეხვედრაც დასრულდა- 35:13. თუმცა აღსანიშნავია, რომ მატჩის შინაარსსა და მსვლელობიდან გამომდინარე, ანგარიში ადეკვატური ნამდვილად არ გახლავთ.
ამ მოგებით უელსმა 19 ქულა მოაგროვა და ჯგუფში პირველი ადგილი დაიკავა. ხოლო ურუგვაი 4 ქულით ბოლო ადგილზე გავიდა.
რაგბის მსოფლიო თასი, D ჯგუფი
უელსი - ურუგვაი 35:13
ლელოები
უელსი: სმითი, ადამსი, უილიამსი, დეივისი
ურუგვაი: კესლერი
ჯარიმები
ურუგვაი: ბერჩესი (2)
გარდასახვები
უელსი: ჰალპენი (4)
ურუგვაი: ბერჩესი
![კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]](/pictures/image7/93ad53d58eb02f0e63f8bcc8adbd45cb.jpg "კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]")
![ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]](/pictures/image7/53ff8e82e9be302f4586f6aca46a5d82.png "ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]")
