2020 წლის სანაკრებო სეზონს საქართველო XV გახსნის. გუნდი 30-კაციანი შემადგენლობით იანვარში არგენტინას ეწვევა და ზე-რაგბის ვიცე-ჩემპიონ ‘ხაგუარესთან’ ორ თამაშს გამართავს. საქართველოსა და არგენტინის რაგბის კავშირებს შორის წლებია საქმიანი, კარგი ურთიერთობა ჩამოყალიბდა, რის შედეგადაც სხვადასხვა დონისა თუ ასაკობრივ ნაკრებებს შორის, ტესტ-მატჩები და მოსამზადებელი შეხვედრები არაერთხელ გამართულა. ‘ხაგუარესი’, არგენტნული ფრანჩიზაა, რომელიც არგენტინის ეროვნული ნაკრების (პუმების) საბაზო გუნდია. იგი ემზადება ახალი სეზონისთვის, რომელიც სტარტს 31 იანვარს აიღებს, და ზე-რაგბის თამაშებამდე საქართველო XV-თან შეხვედრებით გახურდება.
თამაშები 17 და 24 იანვარს გაიმართება. ორივე მატჩის მასპინძელი
საქართველო XV-ის მთავარი მწვრთნელი ბესიკ ხამაშურიძე მომავალი მატჩებისთვის სასელექციო შემადგენლობას უახლოეს პერიოდში დაასახელებს. საგულისხმოა, რომ წინა მატჩებისგან განსხვავებით, ამჯერად გუნდი მხოლოდ დიდი 10-ის მორაგბეებით არ დაკომპლექტდება და შანსს ლეგიონერებიც მიიღებენ.
გუნდი პირველ შეკრებას 23-30 დეკემბერს ქუთაისში გაივლის. საახალწლოდ მორაგბეები დაისვენებენ და 4 იანვარს მეორე შეკრებაზე, სავარაუდოდ მარტყოფის რაგბის ბაზაზე შევლენ, არგენტინაში კი 12 იანვარს გაემგზავრებიან.
მომზადებულია rugby.ge-ს მიხედვით
![საქართველო XV-მა ამჯერად "ხაგუარესს" ლელო დაუდო, თუმცა მაინც დიდი ანგარიშით დამარცხდა [VIDEO]](/pictures/image7/9768ab5c0bf4c4bec5ad913709754059.jpg "საქართველო XV-მა ამჯერად \"ხაგუარესს\" ლელო დაუდო, თუმცა მაინც დიდი ანგარიშით დამარცხდა [VIDEO]")
