რაგბი ევროპის ორგზის ჩემპიონი "შავი ლომი", EPCR-ის ჩელენჯ თასში ჩართვამდე ტიტულის ზედიზედ მესამედ მოპოვებას შეეცდება.სუპერთასში წელსაც 8 გუნდი მიიღებს მონაწილეობას და განახლებული ფორმატით ჩატარდება. შარშანდელისგან განსხვავებით, დიდი 10-ის ჩემპიონის ნაცვლად მასში ჩეხეთის ფრენჩაიზი "ბოჰემია უორიორზი" მიიღებს მონაწილეობას.
რაც შეეხება ფორმატს, რეგიონული პრინციპის ნაცვლად, ამჯერად გუნდები ჯგუფებში ძალთა თანაფარდობის მიხედვით გადანაწილდებიან. ა ჯგუფში "შავ ლომთან" ერთად შარშანდელი ფინალისტი, ისრაელის "თელ-ავივ ჰითი", პორტუგალიური "ლუზიტანუში" და ესპანური "იბერიანსი" გაერთიანდნენ; ბ ჯგუფში რუმინული "ვულვზი", ბელგიური "დევილსი", ნიდერლანდური "დელტა" და ჩეხური "ბოჰემია" გაერთიანდნენ.
ჯგუფური
ა ჯგუფი ერთწრიან ჯგუფურ ეტაპზე 4-5 ნოემბერს "იბერიანსს" მასპინძლობს, 11-12 ნოემბერს "ლუზიტანუშს" ეწვევა, 18-19 ნოემბერს კი "ჰითს" თელ-ავივში ეწვევა. ნახევარფინალები და ფინალები შესაბამისად 2-3 და 16-17 დეკემბერსაა ჩანიშნული, თუმცა იმის გამო, რომ 15-17 დეკემბერს "შავ ლომს" ჩელენჯ თასის მეორე ტურის შეხვედრა ელის, სუპერთასზე მისი დასკვნითი მატჩის თარიღი მოგვიანებით დაზუსტდება.
Rugby.ge
![alt](/pictures/image50/cd75a7cffdc3e197a3ce34173cabc19b.jpg ""შავი ლომი" | ჩელენჯ თასამდე სუპერთასი")
დომინიკ მაკეი: "შავი ლომი" ჩელენჯ თასს ნაპერწკალს შემატებს
