10:20 01-06-2017
U20. საქართველო-არგენტინა 26:37 - ვიბრძოლეთ, ვითამაშეთ, დავმარცხდით [VIDEO]
AutoSharing Option
არგენტინის ნაკრები შარშან მანჩესტერში გამართული მსოფლიოს ახალგაზრდული ჩემპიონატის მესამე ადგილის მფლობელია. ცხადია, ეს ფაქტი თავისთავად მეტყველებს, რა დონის გუნდთან ჰქონდათ საქმე "უმცროს ბორჯღალოსნებს". სამრეთამერიკელებს, ცხადია, წლევანდელ ტურნირზეც სერიოზული მიზნები აქვთ.
მით უფრო სასიამოვნოა, რომ ქართველმა მორაგბეებმა მეტოქეს ტოლი თუნდაც ბრძოლის ჟინში არ დაუდეს. მეტიც, რამდენიმე მათი დერეფანიც მოიგეს. საკუთარ შერკინებაში კი მუდმივად უპირატესობა ჰქონდათ და არც არგენტინელების შერკინებისას აძლევდნენ მოწინააღმდეგეს ბურთის იოლად გატანის საშუალებას.
"პუმიტასის" ძლიერი მხარეები ცნობილია. დიდი ფიზიკური ძალა, სისწრაფე, რაკში შესანიშნავი თამაში, გადაწყვეტილებების სწრაფად და, რაც მთავარია, სწორად მიღება. ამ კომპონენტებში "უმცროსი ბორჯღალოსნები" მეტოქეს ჩამორჩებოდნენ.
ძნელია ვინმეს გამოყოფა, მაგრამ თამამად შეიძლება ითქვას, რომ ამ შეხვედრაში ჩვენი გუნდის ცხრა ნომერმა გელა აფრასიძემ სრულად გაამართლა მასზე ჩემპიონატის წინ გაცემული ავანსი. ის მოედანზე ერთ-ერთი საუკეთესო იყო. მის მიერ კარში დარტყმულმა ყველა ბურთმა მიზანს უწია. ერთი საჯარიმო გელამ სულაც 55 მეტრიდან გაიტანა, ერთიც ზედ ცენტრიდან (50 მეტრი).
არაფერი გაუფუჭებია და თამაშს შეძლებისდაგვარად გეზავდა 17 წლის თედო აბჟანდაძე. აშკარად ჩანს, რომ მას მეტი შეუძლია.
ცხადია, ახლა ადვილია თქმა, რომ არა ის ელემენტარული შეცდომები დაცვაში, ანგარიში სულ სხვა იქნებოდაო. ფაქტია, რომ შეცდომას მეტოქის კარგი თამაში თუ დაგაშვებინებს. არგენტინის ნაკრები კი კარგი რაგბის მოთამაშე გუნდია.
შესაქებია ჩვენი ბიჭების მონდომება. მეორე ტაიმი "უმცროსმა ბორჯღალოსნებმა", უმეტესწილად, მეტოქის მოედნის ნახევარზე გაატარეს. ორი ლელოც გაიტანეს, მაგრამ გამარჯვება მაინც არგენტინას დარჩა, რომელმაც მატჩში ხუთი ლელო მიითვალა.
ჩვენი ბიჭებიდან თითო ლელო შეცვლაზე შესულების, გიორგი კვესელაძისა და უშანგი ჭეიშვილის ანგარიშზეა.
აფრასიძემ ოთხი საჯარიმო და ერთი გარდასახვა გაიტანა. ერთი ლელო კი ასევე შეცვლაზე შესულმა გიორგი გოგოლაძემ გარდასახა.
წუთი წუთში
მე-2 წუთი: დაინიშნა პირველი საჯარიმო საქართველოს ნაკრების სასარგებლოდ.
მე-3 წუთი: მოვიგეთ პირველი საკუთარი დერეფანი.
მე-6 წუთი: საქართველოს ნაკრების ცხრა ნომერმა გელა აფრასიძემ საჯარიმო დარტყმით ანგარიში გახსნა - 3:0.
მე-8 წუთი: არგენტინელებმა სწრაფი კონტრშეტევა წამოიწყეს და მარჯვენა ფრთაზე მარკოს კრემერმა ლელო გაიტანა. გარდასახვა ვერ გაიტანეს - 5:3.
მე-11 წუთი: დაინიშნა პირველი შერკინება.
მე-13 წუთი: არგენტინის ნაკრებმა დერეფანი სუფთად მოიგო, მოლი ააგორა და ჩათვლის მოედანში შეაღწია. გარდასახვა ამჯერადაც ვერ გამოიყენეს - 10:3.
მე-19 წუთი: აფრასიძემ საჯარიმოს დარტყმა 55 მეტრიდან გადაწყვიტა და არც შემცდარა - 6:10.
26-ე წუთი: არგენტინელებმა საკუთარი შერკინება ისევ მოიგეს, სწრაფად შეუტიეს და რვა ნომერმა სანტიაგო რუისმა გაიტანა. მგეზავმა ტომას ალბორნოსმა ამჯერად გარდასახა - 17:6.
34-ე წუთი: აფრასიძემ საჯარიმოდან გაიტანა - 9:17.
38-ე წუთი: აფრასიძემ საჯარიმო ამჯერად 50 მეტრიდან დაარტყა და ანგარიშში სხვაობა ხუთ ქულამდე შეამცირა - 12:17.
44-ე წუთი: ალბორნოსმა საჯარიმოთი კიდევ უფრო დააწინაურა არგენტინელები - 20:12.
47-ე წუთი: თავი ისევ ალბორნოსმა გამოიჩინა. მან მორიგი საჯარიმო დაარტყა ზუსტად - 23:12.
62-ე წუთი: არგენტინელებმა ისევ მოლით სცადეს შეტევა, მაგრამ შეფერხდნენ. თუმცა, ცხრა ნომერი მატიას საუსე მოლს მოწყდა და ლელო გაიტანა. ალბორნოსმა გარდასახა - 30:12.
67-ე წუთი: საქართველოს ნაკრებმა ხანგრძლივი, მრავალფაზიანი შეტევა განახორციელა და ლელო არგენტინელებს შეცვლაზე შესულმა გიორგი კვესელაძემ გაუტანა. აფრასიძემ გარდასახა - 19:30.
69-ე წუთი: არგენტინელებმა საპასუხო შეტევა განახორციელეს და ანგარიშში სხვაობა ისევ აღადგინეს - 37:19.
71-ე წუთი: "უმცროსმა ბორჯღალოსნებმა" მარჯვენა ფრთაზე დერეფნიდან მოლი ააგორეს და ლელო შეცვლაზე შესულმა უშანგი ჭეიშვილმა გაიტანა. გარდასახვა გიორგი გოგოლაძემ დაარტყა ზუსტად - 26:37.
მატჩის შემდეგ
- ილია მაისურაძე: არგენტინასთან მატჩი ჩვენთვის ბევრი სიკეთის მომტანი იქნება
- ილია სპანდერაშვილი: არგენტინასთან თამაშს დღესვე დავივიწყებთ
U20. მსოფლიოს ჩემპიონატი. C ჯგუფი. I ტური
საქართველო-არგენტინა 26:37
საქართველო (15-9) მოდებაძე, მიმინოშვილი, გავაშელიშვილი, წიკლაური, მესხი, აბჟანდაძე (გოგოლაძე 60), აფრასიძე (დვალიშვილი 71). (1-8) გოგიჩაიშვილი (ჭეიშვილი 50), ლ.პაპიძე (ზამთარაძე 69), ტაბიძე (გ.პაპიძე 50, ტაბიძე 67), საღინაძე, ჯიმშელეიშვილი (ჯაიანი 65), ნუცუბიძე, სპანდერაშვილი, მაჩალაძე (ჯალაღონია 57).
2ლ: კვესელაძე, ჭეიშვილი. 2გ: აფრასიძე, გოგოლაძე. 4ს: აფრასიძე.
არგენტინა (15-9) დელგუი, მალანოსი, ფერარიო, კასტილიონი, გონსალესი (ოლვედო 69), ალბორნოსი, საუსე (გარსია 74) (1-8) პულეჯა (მარტინესი 58), გონსალესი, ლუნა (ტარტერი 50), მოლინა, პაულოსი (მილანი 50), სტავილე, კრემერი, რუისი.
5ლ: კრემერი, ბრავინი, გონსალესი, რუისი, საუსე. 3გ: ალბორნოსი (2), დაირო. 2ს:ალბორნოსი (2)
მსაჯი: პიერ ბრუსე (საფრანგეთი)
საფრანგეთი-სამ. აფრიკა 23:23
საფრანგეთი: 3ლ - ბურსოი, დუფუ, კუიუ. 2ს,გ - ნტამაკი.
სამ.აფრიკა: 2ლ - ავგუსტუსი (2). 3ს,2გ - ბოსხი
სატურნირო მდგომარეობა
ა გ თ მ ფ წ ბ ქ პ
1. არგენტინა 1 1 0 0 +11 5 1
2. საფრანგეთი 1 0 1 0 0 2 0
3. სამ. აფრიკა 1 0 1 0 0 2 0
4. საქართველო 1 0 0 1 -11 0 0
II ტური
არგენტინა-საფრანგეთი
საქართველო-სამ. აფრიკა
A ჯგუფი
ინგლისი-სამოა 74:17
ინგლისი: 12ლ - მალინსი, სტრიტი, მიჩელი, კნაითი, მერსერი (2), მორისი (2), იბიტოი (2), კროსდელი. 7გ - მალინსი (4), უმაგა (3).
სამოა: 2ლ - ფილიპო (2). 2გ - პაისამი
ავსტრალია-უელსი 24:17
ავსტრალია: პერესი, ჰოლმსი, ჰატჩისონი. 3გ - გოდარდი, ნიკიფორა (2). ს - გოდარდი
უელსი: 2ლ - ბლეკერი, ლუისი. 2გ,ა - რობსონი
სატურნირო მდგომარეობა
ა გ თ მ წ ფ ბ ქ პ
1. ინგლისი 1 1 0 0 +57 5 1
2. ავსტრალია 1 1 0 0 +7 4 0
3. უელსი 1 0 0 1 -7 1 1
4. სამოა 1 0 0 1 -57 0 0
II ტური
ავსტრალია-სამოა
ინგლისი-უელსი
B ჯგუფი
ირლანდია-იტალია 21:22
ირლანდია: 2ლ - ნეში (2) 3ს, - დინი (2), ფრევლი. გ - დინი
იტალი: 3ლ - ცლოფი, ფისკეტი, ბიანკი. 2გ - კლოფი, რიზი. ა - რიზი.
ახ. ზელანდია-შოტლანდია 42:20
ახ.ზელანდია: 6ლ - ფაინგაანუკუ (3), აუმუა, ლეგერი, პაპალიი. 3გ,2ს - ფალკონი.
შოტლანდია: 3ლ - გრეჰემი, ჰელვიკი, ჰენდერსონი. გ - ენდერსონი. ს - ისტგეითი
სატურნირო მდგომარეობა
ა გ თ მ ფ წ ბ ქ პ
1. ახ. ზელანდია 1 1 0 0 +22 5 1
2. იტალია 1 1 0 0 +1 4 0
3. ირლანდია 1 0 0 1 -1 1 1
4. შოტლანდია 1 0 0 1 -22 0 0
II ტური
ირლანდია-შოტლანდია
ახ. ზელანდია-იტალია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე დაგაინტერესებთ
უძრავი ქონება
სიახლეები
პოპულარული
მეგობარო
მეც იმ ასაკის ვარ,ქართველი
მართლა ფეხბურთელები რომ
თამაშობდნენ ,მეტიც მსოფლიოს დონის...
მაგრამ აბსოლუტრურ სისულელეს ლაპარაკობ(!)
თუნდაც
დღეს-
ქართული ფეხბურთი რომ შევიდეს მსოფლიოს თუნდაც 30-ულში
- ხ მ ა მ ა ღ ლ ა ვიტყვი:
,,მარტო რაგბი ქართველთა თამაში ა რ არისო,,
ისე წესები რომ იცოდე და რა დინის მ ო მ ზ ა დ ე ბ ა სჭირდება-არამარტო ბუნებით
უდიდესი
სიმამაცე და
შემართება-ფიზიკურად,გონებრივად,ტაქტიკურად...ინტელექტუალურად (!)
ფეხბურთი - ქალთა სპორტად მოგეჩვენება (!)
ისე,იგივე ფეხბურთშიც - სულ რაღაც 20 ბობოლაა და იქ შესვლა დანარჩენთ ძ ა ლ ი ა ნ უჭირთ!
მეგობარო
მ4ც იმ ასაკის ვარ,ქართველი
მართლა ფეხბურთელები რომ
თამაშობდნენ ,მეტიც მსოფლიოს...
მაგრამ აბსოლუტრურ სისულელეს ლაპარაკობ,თუნდაც
დღეს
ქართული ფეხბურთი შევიდეს მსოფლიოს თუნდაც 30-ულში
და ხ მ ა მ ა ღ ლ ა ვიტყვი
,,მარტო რაგბი ქართველთა თამაში არისი,,
ისე წესები რომ იცოდე და რა დინის მ ო მ ზ ა დ ე ბ ა სჭირდება-არამარტო ბუნებით
უდიდესი
სიმამაცე და
შემართება-ფიზიკურად,გონებრივად,ტაქტიკურად...
ფეხბურთი - ქალთა სპორტად მოგეჩვენება (!)
ისე,იგივე ფეხბურთშიც - სულ რაღაც 20 ბობოლაა და იქ შესვლა დანარჩენთ ძ ა ლ ი ა ნ უჭირთ!
ყველა აკეთებს თავის საქმეს და ვიღაცას უკეთ გამოსდის და ვიღაცას უარესად, დაგვაცადეთ სარაგბო სამყაროს ჩვენთვის ჩვენივე შედეგებით და მომავალზე მსჯელობით სიამოვნების მიღება.
ვიღაც მე-12 მსოფლიო რეიტინგში და ვიღაც ასზე ქვემოთ ტკეპნის ადგილს, მაგრამ აქ ვინმე, ვახსენეთ ეგ თქვენი ფეხბურთი?
არ იცით ბატონო რაგბი და არ-ცოდნა არ ქვია ამას, ეს არის ტოტალური უცოდინრობა რაც აქ ჩანს, იმიტომ რომ რაგბს თქვენ მარტო ციფრობრივი შედეგით აფასებთ - ტიპიური საფეხბურთო ლოგიკა.
არც ერთი ნაღდი სარაგბო გულშემატკივარი ხელს არ იშვერს ფეხბურთისკენ, ან სად გვცალია საფეხბურთოთ, ვიმეორებ ბევრი მყავს თითის გამშვერი ნანახი და სულ ყველა ფეხბრთისტები თან.
ხოდა ან გაიგეთ რაგბის (რაც არამჯერა შეგეძლოთ) ანდა შგევეშვით ბატონო ნუ ტროლაობთ აქ უაზროდ, ფასა არ აქვს ამ ყველაფერს.