საქართველოს ახალგაზრდული ნაკრების მთავარმა მწვრთნელმა ილია მაისურაძემ მსოფლიო რაგბის 20-წლამდელთა ჩემპიონატზე სასტარტო მატჩი შეაფასა.31 მაისს ავჭალაში გამართულ შეხვედრაში ქართველი მორაგბეები არგენტინასთან 26:37 დამარცხდნენ.
- U20. საქართველო-არგენტინა 26:37 - ვიბრძოლეთ, ვითამაშეთ, დავმარცხდით [VIDEO]
"დღევანდელ თამაშს მომზადებულები შევხვდით, თუმცა ცალკეულ ეპიზოდებში შეცდომები დავუშვით. ასეთ დონეზე თამაშისას მსგავსი შეცდომები ძვირად ფასობს. გვქონდა ტექნიკური წუნიც და ამან შედეგზეც იმოქმედა. მოსამზადებელ პერიოდში ასეთი რთული თამაში არ გვქონია.
დღევანდელი მატჩი ჩვენთვის ბევრი სიკეთის მომტანი იქნება. უნდა გამოვიტანოთ დასკვნები, მოვასწროთ ძალების აღდგენა და შემდეგი თამაშისთვის მოვემზადოთ.
დღეს სამხრეთ აფრიკის ნაკრების თამაში არ მინახავს, თუმცა მათი სტილი ცნობილია და დეტალებსაც აუცილებლად გავივლით".
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ურუგვაის მხოლოდ ერთი საათით ვაჯობეთ [VIDEO]](/pictures/image7/f4e7090afd5c1940f2ffca81d14c3e4f.jpg "ურუგვაის მხოლოდ ერთი საათით ვაჯობეთ [VIDEO]")
