პორტუგალიის დედაქალაქ ლისაბონში მიმდინარე ევროპის ახალგაზრდულ ჩემპიონატზე საქართველოს 17-წლამდელთა ნაკრებმა მომავალ წელს ელიტაში თამაშის უფლება ერთი ტურით ადრე მოიპოვა. "უმცროსმა ბორჯღალოსნებმა" გათამაშების მეორე ტურში ბელგიელი თანატოლები გაანადგურეს - 55:6. ამ გამარჯვებით ჩვენმა გუნდმა ტურნირზე მინიმუმ მეორე ადგილი გაინაღდა და გაისად ელიტურ ევროპის ჩემპიონატზე იასპარეზებს, ინგლისის, საფრანგეთის, ირლანდიის, უელსის, შოტლანდიისა და იტალიის ნაკრებებთან.
ბოლო ტურში საქართველოს ნაკრების მეტოქე პორტუგალიის ნაკრები იქნება. ამ მატჩში გამარჯვებული შეჯიბრებაში პირველ ადგილს დაიკავებს და ევროპის ჩემპიონატზე მე-7 ნომრად დაჯდება.
31 ოქტომბერს ჯგუფური ტურნირის ბოლო შეხვედრას გამართავს
შეგახსენებთ, რომ პირველ მატჩში ჩვენმა მორაგბეებმა ესპანელებს 31:13 მოუგეს. ჯგუფში პირველ ადგილზე გასვლის შემთხვევაში საქართველოს ნაკრები B ჯგუფის საუკეთესოს ფინალში დაუპირისპირდება.
ეს გუნდი, სავარაუდოდ, პორტუგალია იქნება. ფინალში გამარჯვებული კი გაისად "მსოფლიოს ახალგაზრდულ ალაფზე" ითამაშებს.
საქართველო-ბელგია 55:6
საქართველო: 15. იოსებ კიკვაძე, 14. დევი დევსურაშვილი, 13. სანდრო ილურიძე, 12. თემურ ირემაძე, 11. ბადრი ლიპარტელიანი, 10. იოსებ ტუკვაძე. 1. ზაზა ხარებავა, 2. ბადრი ალხაზაშვილი, 3. ბექა კაკაბაძე, 4. როლანდ კვაჭაძე, 5. გუგა ხანთაძე, 6. დავით პაპავაძე, 7. თორნიკე ბუბუტეიშვილი, 8. გიორგი მღებრიშვილი.
16. გიორგი თორაძე, 17. დავით ფხაკაძე, 18. გიორგი როყვა, 19. ბექა გორგაძე, 20. დავით გულიტაშვილი, 21. რევაზ ჯინჭველაშვილი, 22. ირაკლი სვანიძე.
სატურნირო მდგომარეობა
1. საქართველო - 10 ქულა, 2. პორტუგალია - 5, 3. გერმანია - 0, 4. ბელგია - 0.
ევროპის ჩემპიონატი, U-19
A ჯგუფი
საქართველო-ესპანეთი 31:13, რუმინეთი-ესპანეთი 10:16
სატურნირო მდგომარეობა
1. საქართველო - 5 ქულა, 2. ესპანეთი - 4, 3. რუმინეთი - 1.
31 ოქტომბერი
საქართველო-რუმინეთი
B ჯგუფი
პორტუგალია-რუსეთი 14:8, ბელგია-რუსეთი 24:24
1. პორტუგალია - 4 ქულა, 2. რუსეთი - 3, 3. ბელგია - 2.
31 ოქტომბერი
პორტუგალია-ბელგია
ყოველდღიური სპორტული გაზეთი "ლელო"
