საქართველოს 18-წლამდელთა ნაკრები ევროპის ჩემპიონატისთვის მზადებას განაგრძობს. ამ მიზნით "უმცროსი ბორჯღალოსნები" ინგლისში გაემგზავრნენ, სადაც ორ საწვრთნელ შეხვედრას გამართავენ.გუნდის მთავარი მწვრთნელის, ილია მაისურაძის განკარგულებაში 26 მორაგბეა.
ჩვენი ნაკრები 13 მარტს ჰართპურის სპორტული აკადემიის 18-წლამდელ მორაგბეთა გუნდს ეთამაშება, 17 მარტს კი ინგლისის 17-წლამდელთა ნაკრებს დაუპირისპირდება.
ინგლისური საწვრთნელი შეკრების შემდეგ საქართველოს ნაკრები საფრანგეთის ქალაქ გრენობლში გაემგზავრება, სადაც 22 მარტს ევროპის ჩემპიონატის მეოთხედფინალში ირლანდიის ნაკრებთან იასპარეზებს. გამარჯვების შემთხვევაში, ნახევარფინალში ჩვენი მეტოქე საფრანგეთისა და იტალიის ნაკრებებს შორის გამარჯვებული იქნება.
დამარცხების შემთხვევაში, "უმცროსი ბორჯღალოსნები" მეხუთე
ტურნირში, რომელიც ექსპერიმენტულია და წლეულს მეორედ ტარდება, ასევე იასპარეზებენ ინგლისის, უელსის, შოტლანდიისა და პორტუგალიის ნაკრებები. შარშან ჩვენმა გუნდმა ამ შეჯიბრებაში იტალიისა და პორტუგალიის ნაკრებებს გაუსწრო და მე-6 ადგილი დაიკავა.
შეგახსენებთ, რომ საქართველოს 18-წლამდელთა ნაკრებმა 18 თებერვალს თბილისში, "შევარდენის სანაკრებო ბაზაზე" ლონდონის "ვოსფსის" თანატოლთა გუნდს უმასპინძლა და 48:12 მოუგო.
საქართველო
პირველი ხაზი: ზაურ ხარებავა (რაინდები), დავით ფხაკაძე (ივერია), ბადრი ალხაზიშვილი (ინგლისი), გიორგი ტორაძე, გუგა ხანთაძე (ორივე - აია), ბექა კაკაბაძე (ლოკომოტივი).
მეორე ხაზი: როლანდ კვაჭაძე (ლელო), თორნიკე ზოიძე (აკადემია), ბექა გორგაძე (ხარები).
მესამე ხაზი: თორნიკე ბუბუტეიშვილი (ლელო), დავით პაპავაძე (ჯიქები), ჟორა მღებრიშვილი (ხარები), გიორგი ხვისტანი (ყოჩები), ბადრი დანგაძე (აია).
#9: ვასილ ლობჟანიძე (არმაზი), თეიმურაზ თუთბერიძე (აია), დავით გულიტაშვილი (ხარები).
#10: რევაზ ჯინჭველაშვილი (აია).
#12-13: სანდრო ილურიძე (აკადემია), თემურ ირემაძე (აია), ლევან გიკაშვილი (ლელო).
#11-14: დევი დევსურაშვილი (ხულიგანა), ბადრი ლიპარტელიანი (ივერია), დავით ლობჟანიძე (ლელო).
#15: ირაკლი სვანიძე (ხულიგანა).
U18. ევროპის ჩემპიონატი
1/4-ფინალი
საქართველო-ირლანდია
ინგლისი-პორტუგალია
საფრანგეთი-იტალია
უელსი-შოტლანდია
ყოველდღიური სპორტული გაზეთი "ლელო"
