საქართველოს 18-წლამდელთა ნაკრებმა საფრანგეთის ქალაქ გრენობლთან ახლოს ევროპის ჩემპიონატის მეოთხედფინალურ მატჩში ირლანდიის ნაკრებს უშეღავათო ბრძოლა გაუმართა და მიუხედავად იმისა, რომ ოთხი ქულის სხვაობით წააგო - 27:31, სტადიონზე მისულმა მაყურებელმა ოვაცია გაუმართა."უმცროს ბორჯღალოსნებს" სულ ცოტა დააკლდათ ევროპის ჩემპიონატის შარშანდელი ფინალისტის დასამარცხებლად.
თამაშის დასრულებას აღარაფერი აკლდა, ჩვენმა ბიჭებმა იერიში რომ წამოიწყეს, მაგრამ "სამყურებმა" თავის დაცვა შეძლეს და ნახევარფინალში გააღწიეს.
თამაში ჩვენი გუნდისთვის ცუდად დაიწყო, მე-12 წუთისთვის უკვე 8:0-ს ვაგებდით, თუმცა ილია მაისურაძის სამწყსომ დროულად შეძლო მობილიზება და ტაიმის დასრულებამდე ხუთი წუთით
ბოლო წუთზე კი, ირლანდიელებმა საჯარიმოთი მაინც შეძლეს დაწინაურება - 14:13.
საკმაოდ დაძაბულ და უშეღავათო ბრძოლაში წარიმართა მეორე ნახევრის საწყისი 15 წუთი.
ირლანდიელებმა შესვენების შემდეგ მალევე გაიტანეს ლელო, თუმცა ჩვენმა ნაკრებმაც ლელოთივე უპასუხა და 20:21.
აი, მომდევნო ათ წუთში რა მოხდა, ძნელი სათქმელია. მეტოქემ ორი ლელო გაგვიტანა და მატჩის ეს მონაკვეთი გადამწყვეტი აღმოჩნდა - 31:20.
დასკვნით ათ წუთში საქართველოს ნაკრები დომინირებდა, თუმცა ჩვენმა ბიჭებმა მხოლოდ ერთი ლელოს გატანაღა მოახერხეს - 27:31. ახლა მე-5 ადგილისთვის ნახევარფინალში, ისვე როგორც შარშან, იტალიის ნაკრებს დავუპირისპირდებით, რომელმაც მეოთხედფინალში მასპინძლებთან 0:32 წააგეს.
საქართველო-ირლანდია 27:31
15. ირაკლი სვანიძე, 14. ბადრი ლიპარტელიანი, 13. დევი დევსურაშვილი, 12. თემურ ირემაძე, 11. იოსებ კიკვაძე, 10. რევაზ ჯინჭველაშვილი, 9. ვასილ ლობჟანიძე. 1. დავით ფხაკაძე, 2. ბადრი ალხაზაშვილი, 3. ზაურ ხარებავა, 4. თორნიკე ზოიძე, 5. როლანდ კვაჭაძე, 6. ბადრი დანგაძე, 7. თორნიკე ბუბუტეიშვილი, 8. ჟორა მღებრიშვილი.
16. ბექა კაკაბაძე, 17. გიორგი ტორაძე, 18. გუგა ხანთიძე, 19. ბექა გორგაძე, 20. თეიმურაზ თუთბერიძე, 21. დავით გულიტაშვილი, 22. თემურ ირემაძე, 23. დავით ლობჟანიძე, 24. დავით პაპავაძე, 25. გიორგი ხვისტანი, 26. ლევან გიკაშვილი.
მეოთხედფინალი
ინგლისი-პორტუგალია 82:8, საფრანგეთი-იტალია 32:0, უელსი-შოტლანდია 17:18
V ადგილისთვის
საქართველო-იტალია
პორტუგალი-უელსი
ნახევარფინალი
ინგლისი-შოტლანდია
საფრანგეთი-ირლანდია
ყოველდღიური სპორტული გაზეთი "ლელო"
