U20. საქართველო VS კანადა - ქართული რაგბის ისტორიის შესაქმნელად

რამდენიმე საათში გაირკვევა 2015 წლის მსოფლიო რაგბის 20-წლამდელთა ალაფის გამარჯვებული, შესაბამისად 2016 წლის 20-წლამდელთა მსოფლიო ჩემპიონატის საგზურის მფლობელი.

24 მაისს, ჩვენი დროით 20:00 საათზე ტურნირის კულმინაციურ მატჩში "ახალგაზრდა ბორჯღალოსნები" კანადელ "ნეკერჩხლებს" ესტადიო უნივერსიტარიოზე დაუპირისპირდებიან.

ალაფის ფინალში 20-წლამდე "ბორჯღალოსნები" პირველად გავიდნენ - აქამდე მათ მონაგარს მხოლოდ მესამე ადგილი წარმოადგენდა, ხოლო გამარჯვებისა და მსოფლიოს საგზურის მოპოვების შემთხვევაში ისინი კიდევ ერთ თავს შემატებენ ქართული რაგბის "ისტორიის წიგნს".

ორივე ფინალისტმა ჯგუფში სამივე მატჩი მოიგო და 13-13 ქულა დააგროვა. "ა" ჯგუფის ბოლო შეხვედრის შემდეგ ჩვენმა სამწვრთნელო შტაბმა დრო მაქსიმალურად დასვენებასა და აღდგენას დაუთმო.

მთავარი მწვრთნელმა, ილია მაისურაძემ განაცხადა:

"მაქსიმალურად დავისვენეთ და აღდგენას მივაქციეთ დიდი ყურადღება. გავიარეთ ვიდეო ანალიზი და შევისწავლეთ მოწინააღმდეგე. წინ ტურნირის და წლის ყველაზე რთული მატჩი გველის კარგ, ორგანიზებულ და ძლიერ მეტოქესთან. რაც მთავარია ჩემი ბიჭები ფიზიკურად, ტაქტიკურად და მენტალურად ფინალისთვის მზად არიან."

უმნიშვნელოვანეს მატჩამდე 24 საათით ადრე ქართულმა სამწვრთნელო შტაბმა ახალგაზრდა "ბორჯღალოსნების" საფინალო რაზმი დაასახელა.

წინა ტურში დასვენების შემდეგ სასტარტოს ირაკლი სვანიძეს, ბადრი ლიპარტელიანს, ნიკა ნეფარიძესა და ბექა გორგაძეს დაუბრუნდნენ; გიორგი კვესელაძემ ცენტრიდან ფრთაზე გადაინაცვლა; ბექა კაკაბაძემ, თორნიკე ზოიძემ და რატი შანიძემ კი, მარქაფაში გადაინაცვლეს.



უკანა ხაზი [ბექები]
15 ირაკლი სვანიძე ჯიქი
14 ანზორ სიჭინავა აკადემია
13 ბადრი ლიპარტელიანი არმაზი
12 სანდრო ილურიძე აკადემია
11 გიორგი კვესელაძე იუნკერები
10 რეზი ჯინჭველაშვილი აია
9 ვასილ ლობჟანიძე არმაზი

შერკინება [ფორვარდები]
1 ნიკა ნეფარიძე ლოკომოტივი
2 ბადრი ალხაზაშვილი კაპ. ლელო სარასენს
3 გიორგი მელიქიძე ხარები
4 ოთარ გიორგაძე აია
5 მიხეილ ბაბუნაშვილი ტარბ [სფრ]
6 თორნიკე ბუბუტეიშვილი ლელო სარასენს
7 დავით პაპავაძე ჯიქი
8 ბექა გორგაძე მონ დე მარსან [სფრ]

მარქაფა [სათადარიგოები]
22 გიორგი ბაბუნაშვილი აია
21 თემურ თუთბერიძე აია
20 რატი შანიძე ლელო სარასენს
16 გიორგი თედორაძე თიბიეს
17 ბექა კაკაბაძე კლერმონ [სფრ]
18 თორნიკე ზოიძე კლერმონ [სფრ]
19 გიორგი ცუცქირიძე  ბრივ [სფრ]

სამწვრთნელო შტაბი
ილია მაისურაძე - მთავარი მწვრთნელი, ლადო კილასონია - მწვრთნელი, ზურა ამონაშვილი - მწვრთნელი, გაგა გურეშიძე - მწვრთნელი, ირაკლი ჭყონია - ფიზ. მომზადების მწვრთნელი, გიორგი ნადარეიშვილი - ფიზ. მომზადების მწვრთნელი, ვახტანგ წიკლაური - ექიმი, ირაკლი შაორშიძე - ფიზიო, ლიამ რობინსონი- ფიზიო, დავით რამიშვილი - ვიდეო ანალიტიკოსი, ოთარ იაშვილი და ირაკლიხუნდაძე - მენეჯერები.

წყარო: rugby.ge