20 წლამდე მორაგბეთა მსოფლიოს ჩემპიონატზე საქართველოს ნაკრებმა ანგარიშით 18:17 დაამარცხა იტალია და 25 ივნისს მე-9 ადგილისთვის მატჩში საფრანგეთის ნაკრებს დაუპირისპირდება.U20. საქართველო-იტალია 18:17 - აქ შემთხვევით არ შემოგვივლია [VIDEO+PHOTO]
"უმცროსი ბორჯღალოსნების" ამ გამარჯვებას supersport.com გამოეხმაურა:
"მხიარულების სცენები ვიხილეთ "ბელ სტედიუმზე", სადაც საქართველოს ნაკრებმა ისტორიული, პირველი გამარჯვება მოიპოვა 20 წლამდე მორაგბეთა მსოფლიოს ჩემპიონატზე. საქართველოს ნაკრებს ელიტაში თამაში 2017 წელს ისედაც გარანტირებული ჰქონდა, რადგან ტურნირის მასპინძელია.
"ჯუნიორ ლელოებმა" მეორე ტაიმში იძალეს და 5:7-ით წაგებული პირველი ნახევარი ამოქაჩეს. ამისთვის მათ დიდებულად გამოიყენეს ძალით განთქმული
"ლელოებმა" 5 ცდიდან მხოლოდ ერთი ჯარიმა გაიტანეს და ამის გამო ლამის დაისაჯნენ. იტალიის ნაკრებმა კი, ზედიზედ მესამედ, უნდა მოიგოს ბოლო შეხვედრა, რომ თავიდან აიცილოს ელიტიდან გავარდნა", - წერს საიტი.
გამოცემა საქართველოს ნაკრების კაპიტნის, ვასილ ლობჟანიძისა და მწვრთნელის, ილია მაისურაძის კომენტარებსაც აქვეყნებს.
ვასილ ლობჟანიძე: "ძალიან გახარებულები ვართ, ეს იყო დიდებული გამარჯვება ჩვენთვის. ჩვენ დებიუტანტები ვართ. ამიტომ ძალიან გვიხარია, რომ პირველი გამარჯვება ვიზეიმეთ.
მომავალ წელს მსოფლიოს ჩემპიონატს ჩვენ ვმასპინძლობთ, რაც ენთუზიაზმს გვიმატებს. ვიცოდით, რომ შედეგის მიუხედავად, გაისადაც ელიტაში ვითამაშებდით, მაგრამ გვინდოდა, რომ ეს უფლება სპორტული პრინციპით მოგვეპოვებინა და არა იმიტომ, რომ 2017 წლის ტურნირს ვმასპინძლობთ".
ილია მაისურაძე: "ჩემს გუნდს და მთელ საქართველოს ვულოცავ, რადგან ეს ისტორიული დღეა. ამ თამაშისთვის კარგად მოვემზადეთ. შევეცადეთ, გამოგვესწორებინა წინა სამ თამაშში დაშვებული შეცდომები.
დღეს ბიჭებმა დაცვაში კარგად ითამაშეს და არც დისციპლინაში მქონია შენიშვნები. მოხარული ვარ ჩემი გუნდის, ქართული რაგბის გამო. ყოველ თამაშში გვაქვს პროგრესი, ამას ყველა ხედავს.
დღეს ჩვენ კარგად ვითამაშეთ. იტალიის ნაკრებიც კარგად გამოიყურებოდა, მაგრამ დაცვაში კარგად ვიდექით და როცა შანსი მოგვეცემოდა, კარგადაც ვუტევდით".
