საქართველოსა და პორტუგალიის მორაგბეთა ნაკრებების შეხვედრაზე დასასწრები ბილეთები, 25 თებერვალს ავჭალის სტადიონის სალაროებში გაიყიდება. ბილეთის ფასი 10 ლარი იქნება. ევროპის ერთა თასის გათამაშების პირველ საშინაო შეხვედრას ქართველი მორაგბეები, ავჭალის სტადიონზე გამართავენ.
მატჩი 14:00 საათზე დაიწყება. მისი პირდაპირი ტრანსლაცია საზოგადოებრივი მაუწყებლის ეთერით გადაიცემა.
შეგახსენებთ, რომ ერთა თასის პირველი შეხვედრა საქართველოს ნაკრებმა 11 თებერვალს სტუმრად ესპანეთის ეროვნულ გუნდთან გამართა, სადაც "ბორჯღალოსნები" 7 ქულის სხვაობით, 25-18 დამარცხდნენ.
