შეგახსენებთ, რომ შვიდკაცა "ბორჯღალოსნები" მოხვდნენ საკმაოდ ძნელ, A ჯგუფში, სადაც ჩვენი გუნდის მეტოქეები რუსეთის, პორტუგალიის, იტალიის, მოლდოვისა და პოლონეთის ნაკრებები იქნებიან. B ჯგუფში იასპარეზებენ: ესპანეთი, საფრანგეთი, რუმინეთი, ლიტვა, ჰოლანდია და უკრაინა.
საქართველოს ნაკრების მწვრთნელმა კახა ალანიამ უძლიერესი შემადგენლობის შეკრება ვერც ამჯერად შეძლო. ტრავმების გამო გუნდს დააკლდებიან ვიქტორ კოლელიშვილი, ალექსანდრე თოდუა, ლექსო გუგავა (სამივე - ლელო),
დღესდღეობით ფინალური ეტაპისთვის ოცამდე მორაგბე ემზადება, რომელთაგან ალანია 12-ს შეარჩევს. ნაკრების კანდიდატებს შორის რამდენიმე ლეგიონერიცაა: ირაკლი აბუსერიძე (ოსერი), ბიძინა სამხარაძე (ფარული), მერაბ კვირიკაშვილი, მალხაზ ურჯუკაშვილი (ორივე - ფიჟაკი) და სიმონ მაისურაძე (ვილერბანი). გამოცდილი, მრავალის მნახველი მორაგბეებიდან აღსანიშნავია ბესიკ ხამაშურიძის (აია) და გიორგი შკინინის (ხულიგანა) დაბრუნება შვიდკაცა ნაკრებში.
ქართველთაგუნდი მოსკოვში 8 ივლისს გაემგზავრება.
A ჯგუფი: საქართველო, რუსეთი, პორტუგალია, იტალია, მოლდოვა, პოლონეთი
B ჯგუფი: ესპანეთი, საფრანგეთი, რუმინეთი, ლიტვა, ჰოლანდია, უკრაინა.
