8 ნოემბერს "დინამო არენაზე" საქართველოს რაგბის ეროვნული ნაკრების ფორმის პრეზენტაცია გაიმართა. ფორმა ბრიტანულმა კომპანია "ზარქსმა" დაამზადა და ის ნაკრების კაპიტანმა ირაკლი მაჩხანელმა წარადგინა. დღესვე საქართველოს ნაკრების კეპების პრეზენტაციაც გაიმართა.
წითელ კეპს ვერცხლისფერი არშიით მიიღებს ის მოთამაშე, რომელიც ნაკრებში პირველად ითამაშებს; წითელს ოქროსფერი არშიით მიიღებს ის მოთამაშე, რომელიც 50 მატჩს ჩაატარებს; ხოლო 100-ზე მეტ მატჩს ვინც ჩაატარებს, თეთრ კეპს მიიღებს.
"დინამო არენას" საკონფერენციო დარბაზში საქართველოსა და კანადის ნაკრებების მთავარი მწვრთნელების წინასამატჩო პრესკონფერენციები გაიმართა.
შეგახსენებთ, რომ "ბორჯღალოსნები" ნოემბრის ტესტების პირველ შეხვედრას "ნეკერჩხლის
როგორც პრესკონფერენციაზე საქართველოს ნაკრების მთავარმა მწვრთნელმა მილტონ ჰეიგმა განაცხადა, გუნდი მზადყოფნაშია და თუ მორაგბეებმა დავალება შეასრულეს, საქართველოს ნაკრები წარმატებას მიაღწევს.
"მზად ვიქნებით ხვალინდელი თამაშისთვის. კანადისგან განსხვავებით, ჩვენ მოკლე მოსამზადებელი პერიოდი გვქონდა. თუ შევასრულეთ დავალებები, რაც დავისახეთ და ფიზიკურად თუ მზად ვიყავით, შევძლებთ წარმატების მიღწევას", - განაცხადა ჰეიგმა.
საქართველოს ნაკრების კაპიტნის, ირაკლი მაჩხანელის თქმით კი, კანადა საკმაოდ ძლიერი და სწრაფი გუნდია.
იხილეთ ვიდეო
"ძალიან მნიშვნელოვანი თამაში გველის საკმაოდ ძლიერ გუნდთან. კანადა ფიზიკურად ძლიერი და სწრაფია და ხვალინდელ თამაშში ერთგვარად გამოჩნდება, თუ რა დონეზე ვართ ახლა", - განაცხადა ირაკლი მაჩხანელმა.კანადის ნაკრების მთავარი მწვრთნელის, გარეტ რისის თქმით კი, საქართველო ფიზიკურად ძლიერია და ხვალინდელ თამაშს კანადის ეროვნული ნაკრები დიდ მნიშვნელობას ანიჭებს.
"ეს შეხვედრა ჩვენთვის ძალიან მნიშვნელოვანია. საქართველო კარგი გუნდია, ფიზიკურად ძლიერია და ხვალინდელ მატჩს დიდ მნიშვნელობას ვანიჭებთ.
ეს დაპირისპირება იმითაც მნიშვნელოვანია, რომ სარეიტინგო თამაშია - რეიტინგში საქართველო და კანადა ერთმანეთთან ახლო-ახლოს იმყოფებიან", - განაცხადა გარეტ რისმა.
წყარო: interpressnews.ge
