საქართველოს მორაგბეთა ნაკრები აშშ-ისთან დამარცხდა [PHOTO]

16 ნოემბერს რუსთავის სარაგბო სტადიონზე საქართველოსა და აშშ-ის მორაგბეთა ნაკრებებს შორის მატჩი გაიმართა.

ქართველმა მორაგბეემა ანგარიშის გახსნა მე-5 წუთზე მოახერხეს. მერაბ კვირიკაშვილმა საჯარიმო ზუსტად შეასრულა და საქართველოს ნაკრები დააწიანურა - 3:0.

10 წუთის შემდეგ კი კვირკაშვილმა ლელოს გატანაც შეძლო და გარდასახვაც ზუსტად შეასრულა - 14 წუთის შემდეგ "ბორჯღალოსნები" აშშ-ის ანგარიშით 10:0 უგებდნენ.

აშშ-ის ნაკრები მიღებული ლელოს შემდეგ გამოფხიზლდა და უკვე 21-ე წუთზე თავად შეძლო ლელოს დადება, თუმცა გარდასახვა ვერ გაიტანა - 10:5.

2 წუთში კვირკაშვილმა ზუსტი საჯარიმო დარტყმით ანგარიში 13:5 გახადა. ამერიკელებმა ანგარიშშში სხვაობა 26-ე წუთზე საჯარიმო დარტყმით შეამცირეს - 13:8.

პირველი ტაიმის მიწურულს აშშ-ის მორაგბეებმა ლელო დაგვიდეს და გარდასახვაც ზუსტად შეასრულეს - 13:15. პირველი ტაიმი აშშ-ის ნაკრების გამარჯვებით დასრულდა.
სამწუხაროდ მეორე ტაიმში "ბორჯღალოსნებმა" მესამე ლელო მიიღეს, რის შემდეგ ამერიკელებმა გარდასახვაც ზუსტად შეასრულეს და ანგარიში 13:22 გახადეს.

ქართველმა მორაგბეებმა ამერიკელთა ხაზის გარღვევა 65-ე წუთზე შეძლეს და დავით კაჭარავამ "ბორჯღალოსნებს" მნიშვნელოვანი ლელო მოუტანა, მერაბ კვირიკაშვილმა კი გარდასხვა გაიტანა - 20:22.

შეხვედრის დასრულებიდან 5 წუთით ადრე "ბორჯღალოსნებმა" საჯარიმო დარტყმის უფლება მოიპოვეს, რომელიც მერაბ კვირიკაშვილმა ამჯერადაც გამოიყენა და საქართველოს ნაკრები წინ გაიყვანა  - 23:22.

სამწუხაროდ, ქართველმა მორაგბეებმა უპირატესობის შენარჩუნება ვერ მოახერხეს და არბიტრის მიერ დამატებულ წუთებზე (87) მეტოქემ საჯარიმო დარტყმის უფლება მოიპოვა, რომელიც ზუსტად შეასრულა და საბოლოოდ, გამარჯვებაც მოიპოვა - 23:25.