"ბორჯღალოსნებს" პორტუგალიისთვის ქუბრიაშვილი და მაისურაძე დაემატნენ

საქართველოს მორაგბეთა ეროვნული ნაკრები პორტუგალიის დედაქალაქში ჩავიდა, სადაც ერთა თასის (რაგბი ევროპის) მეორე ტურის მატჩში "ლობუშებს" დაუპირისპირდება.

საქართველოს ნაკრების მთავარმა მწვრთნელმა მილტონ ჰეიგმა თან 28 მორაგბე იახლა. გერმანიის ნაკრებთან მატჩის შემდეგ მან კიდევ ორი მორაგბე, პირველხაზელი დავით ქუბრიაშვილი (მონპელიე) და მეორეხაზელი ვახტანგ მაისურაძე (ალბი) გამოიძახა. ლისაბონში არ გაემგზავრნენ: რეზო ჯინჭველაშვილი, მურაზ გიორგაძე, ნოდარ ჭეიშვილი და გიორგი მჭედლიშვილი.

აღსანიშნავია, რომ ტრავმებს იშუშებენ და, სავარაუდოდ, პორტუგალიის ნაკრების წინააღმდეგ ითამაშებენ მერაბ შარიქაძე, მერაბ კვირიკაშვილი და თამაზ მჭედლიძე.

პორტუგალიის ნაკრების მთავარმა მწვრთნელმა ალან სმიტმა, რომელიც რამდენიმე წლის წინათ საქართველოს ახალგაზრდული ნაკრების მწვრთნელი იყო, 40-კაციანი, გაფართოებული შემადგენლობა დაასახელა. აღსანიშნავია, რომ "ლობუშების" უკანა ხაზის მწვრთნელი ჩვენი კიდევ ერთი კარგად ნაცნობი დონ კასკია, რომელიც საქართველოს ეროვნულ ნაკრებში 2011 წლის ბოლომდე მუშაობდა და "ბორჯღალოსნებს" ახალ ზელანდიაში გამართულ მსოფლიოს თასზეც ახლდა.

პორტუგალიის ამ ფორმაციის ნაკრებში, რომელიც საგრძნობლად გადახალისებულია, ექვსი ლეგიონერია. ესენია: ფრანსიშკუ დომინგესი (ექსი), მაიკ ტაჯერი (აჟენი), ვოლოდიმირ გრიხი (პერპინიანი), მაქსიმ ვასი, პედრო ბეტანკური (ორივე-კლერმონი) და ტომაშ აპელტონი (დარლინგტონი).

შეგახსენებთ, რომ მატჩი ლისაბონის უნივერსიტეტის სტადიონზე 13 თებერვალს, თბილისის დროით 19 საათზე დაიწყება.

საქართველოს ნაკრები:
პირველი ხაზი: მიხეილ ნარიაშვილი, დავით ქუბრიაშვილი (ორივე - მონპელიე), კარლენ ასეიშვილი (ბრივი), შალვა მამუკაშვილი (გლაზგო), ზურაბ ჟვანია, გიორგი მელიქიძე (ორივე - სტად ფრანსე), ანტონ ფეიქრიშვილი (ბაიონი)
მეორე ხაზი: გიორგი ნემსაძე (ტარბი), გიორგი ჩხაიძე (ლილი), ვახტანგ მაისურაძე (ალბი)
მესამე ხაზი: გიორგი თხილაიშვილი (ბათუმი), საბა შუბითიძე (აკადემია), ლაშა ლომიძე (ბეზიე), შალვა სუთიაშვილი (ანგულემი), ბექა გორგაძე (მონ დე მარსანი)
#9: ვასილ ლობჟანიძე (არმაზი), გიორგი ბეგაძე (ყოჩები), ვაჟა ხუციშვილი (ლოკომოტივი).
#10: ლაშა ხმალაძე (ლელო), ლაშა მალაღურაძე (ყოჩები),
#12-13: მერაბ შარიქაძე (ორიაკი), დავით კაჭარავა (ენისეი), თამაზ მჭედლიძე (აჟენი).
#11-14: ალექსანდრე თოდუა (ლელო), გიორგი ფრუიძე (აია), გიორგი აფციაური (არმია)
#15: მერაბ კვკრიკაშვილი (ლელო), ბექა წიკლაური (ლოკომოტივი).

პორტუგალიის ნაკრები:
ფრანსიშკუ დომინგესი (ექსი), მაიკ ტაჯერი (აჟენი), ვოლოდიმირ გრიხი (პერპინიანი), მაქსიმ ვასი, პედრო ბეტანკური (ორივე - კლერმონი), ტომაშ აპელტონი (დარლინგტონი), ბრუნო როჩა, დუარტე მარკესი (ორივე - ტექნიკო), ბრუნო მედეიროში, ჟოაო ალმეიდა, ვაშკუ რეალი, ფრანსიშკუ ამარალი, დიოგო ვან დენ ტოორნი, ლუიშ კერქუინო, სებასტიანო ვილაქსი, მიგელ მასედო, ჟოაო ლინო, ფრანსიშკუ მაგალიაეში, ფრანსიშკუ ვიეირა, მანუელ კოსტა, ფრანსიშკუ აპელტონი, გონსალო ფორუ, ტომაშ ნორონა (ყველა - კდუპ), ჯოზე კონდე, სალვადორ ვასალუ, ფრანსიშკუ სოუზა, ნუნუ ბეტანკური, კლაუდიო ფრანკა (ყველა - კასკაისი), ჟოაო სილვა, მანუელ პიკაო (ორივე - კოიმბრა), ჟან ბატისტ ლორენცო (აგრონომია), ნუნუ სოუზა, ჟოზე ვარეტა, მანუელ ვიელა, ლუის სალემა, ლუის პორტელა, გონსალო უვა, ჟოაო ტრავასოსი, დუარტე დინისი (ყველა - დირეიტო).

რაგბი ევროპა. II ტური
13 თებერვალი
პორტუგალია-საქართველო
რუსეთი-გერმანია
ესპანეთი-რუმინეთი

ა გ თ მ ფ წ ბ ქ(პ)
1. საქართველო 1 1 0 0 +52 5(1)
2. რუმინეთი 1 1 0 0 +25 5(1)
3. რუსეთი 1 1 0 0 +2 4(0)
4. ესპანეთი 1 0 0 1 -2 1(1)
5. პორტუგალია 1 0 0 1 -25 0(0)
6. გერმანია 1 0 0 1 -52 0(0).

(იბეჭდება მცირე ცვლილებით)
ყოველდღიური სპორტული გაზეთი "ლელო"