ფოტოზე: მარჯვნივ დავით კაჭარავარუსული რაგბის 90 წლის იუბილესთან დაკავშირებით, 15 სექტემბერს მოსკოვში, "სლავას" სტადიონზე "ყველა ვარსკვლავის მატჩი" გაიმართება, სადაც რუსეთის ნაკრები ("დათვები") ეროვნულ ჩემპიონატში მოთამაშე ლეგიონერთა ნაკრებს დაუპირისპირდება ("ბარბაროსებს").
"ბარბაროსთა" რიგებში ერთბაშად 5 ქართველი მორაგბეა გამოძახებული: ირაკლი კვანტიძე, ზურაბ ერისთავი, პავლე კვერნაძე (ყველა - სპარტაკი), რატი ურუშაძე და დავით კაჭარავა (ორივე - ენისეი).
სამწვრთნელო შტაბში დარენ მორისსა და ალექსანდრ პერიუხინთან ერთად იქნება მამუკა ლოსაბერიძეც.
რუსეთის ნაკრების ღირსებას დაიცავს ქართული წარმოშობის მორაგბე გრიგოლ ცნობილაძე.
გიორგი ბარბაქაძე
ყოველდღიური სპორტული გაზეთი "ლელო"
