ფოტოზე: ბექა ურჯუკაშვილი და სიმონ მაისურაძე (16)საფრანგეთის სარაგბო ჩემპიონატის ფედერალ 1 დივიზიონში ხუთი ტურის შემდეგ ქართველ მორაგბეთა გუნდები ორ ჯგუფში ლიდერობენ, კიდევ ორში კი საპლეიოფო ზონასთან არიან ახლოს.
მე-5 ტურში პირველი მარცხი იწვნია A ჯგუფის ლიდერმა, დავით აშვეთიას, შალვა სუთიაშვილის, ელიზბარ ყუფარაძის, არჩილ კობაურისა და დავით დადუნაშვილის "მასიმ".
პარიზელებმა სტუმრად წააგეს აუტსაიდერთან, რევაზ გიგაურისა და თემურ გელანტიას "მონლუსონთან" - 18:23.
გიგაურმა სრულად ითამაშა, გელანტია თამაშში 78-ე წუთიდან ჩაერთო, ყუფარაძე 54-ე წუთზე აშვეთიამ შეცვალა, სუთიაშვილს, დადუნაშვილს და კობაურს არ უთამაშიათ.
ჩვენებურის ამ გუნდმა სტუმრად დაამარცხა გიორგი ტორაძისა და შოთა საყვარელიძის "სენ ჟან დანჟელი" - 43:18. საყვარელიძე თამაშში მე-20 წუთიდან ჩაერთო, ტორაძე მოედანზე 50-ე წუთიდან გამოჩნდა, გუჯარაიძეს არ უთამაშია.
ფედერალ 1
A ჯგუფი
ნევერი-ლილი 29:15, ბობინი-დიჟონი 42:10, მონლუსონი-მასი 23:18, ვანი-კონიაკი 65:19, სენ ჟან დანჟელი-სენ ნაზერი 18:43.
სატურნირო მდგომარეობა
1. მასი - 21 ქულა, 2. ნევერი - 17, 3. ვანი - 15, 4. ლილი - 13, 5. სენ ნაზერი - 13, 6. კონიაკი - 10, 7. სენ ჟან დანჟელი - 9, 8. ბობინი - 7, 9. დიჟონი - 5, 10. მონლუსონი - 2.
B ჯგუფში სამხელისუფლებიანობაა, 16 ქულა ერთბაშად სამმა გუნდმა დააგროვა. თუმცა ლიდერი მაინც ავთანდილ კოპალიანის "მაკონია", რომელმაც სტუმრად წააგო "ლა სეინთან" - 13:16.
კოპალიანი თამაშში 50-ე წუთზე ჩაერთო და ათ წუთში მატჩის არბიტრმა სინბინში გაუშვა.
მეორე გამარჯვება მოიპოვა ზერო პეტრიაშვილისა და მერაბ კვირიკაშვილის "ვიენმა", რომელმაც სტუმრად მოუგო აუტსაიდერ გიორგი კუთარაშვილის "ანესის" - 25:20. პეტრიაშვილი და კუთარაშვილი ერთდროულად, 49-ე წუთზე შეცვალეს, კვირიკაშვილს არ უთამაშია.
B ჯგუფი
ლა ვულე-შამბერი 30:25, ლა სეინი-მაკონი 16:13, შალონი-ექსი 19:9, ობენა-რომანი 16:3, ანესი-ვიენი 20:25.
სატურნირო მდგომარეობა
1. მაკონი - 16 ქულა, 2. ექსი - 16, 3. ობენა - 16, 4. შამბერი - 14, 5. რომანი - 11, 6. ლა სეინი - 1, 7. ვიენი - 10, 8. ლა ვულე - 10, 9. შალონი - 9, 10. ანესი - 6.
C ჯგუფში შესანიშნავი სტარტის შემდეგ საგრძნობლად მოიკოჭლებს თედო ზიბზიბაძის, ნიკოლოზ მაღალდაძის, გიორგი გაბელიასა და ირაკლი ნატრიაშვილის "პერიგო", რომელმაც მე-5 ტურში სტუმრად წააგო "ლანჟონისთან" - 8:12.
ზიბზიბაძემ სრულად ითამაშა. სხვა ქართველი მორაგბეები განაცხადში არ იყვნენ. "პერიგოს" ახლა 14 ქულა აქვს და მე-4 ადგილზეა.
C ჯგუფი
ლანჟონი-პერიგო 12:8, ტულე-სენ ჟან დე ლუზი 10:16, ლორმონი-ლიმოჟი 22:18, ლავორი-როდეზი 24:12, ენდაი-მონტობანი 20:52.
სატურნირო მდგომარეობა
1. მონტობანი - 23 ქულა, 2. ლანჟონი - 20, 3. სენ ჟან დე ლუზი - 17, 4. პერიგო - 14, 5. ლავორი - 11, 6. ლიმოჟი - 11, 7. ლორმონი - 10, 8. როდეზი - 6, 9. ტულე - 4, 10. ენდაი - 1.
საგრძნობლად გამოასწორა სატურნირო მდგომარეობა და შარშანდელზე ბევრად უკეთესად თამაშობს ლაშა მალაღურაძის, სიმონ მაისურაძის, ბექა ურჯუკაშვილის, გიორგი მჭედლიშვილისა და ლადო გუნიავას "ბაგნერე". ჩვენებურთა ამ გუნდმა შინ დაამარცხა აუტსაიდერი "ლურდი" - 43:8.
მჭედლიშვილმა, რომელიც თამაშში 53-ე წუთიდან ჩაერთო, ლელო 70-ე წუთზე გაიტანა; მალაღურაძემ, რომელმაც სრულად ითამაშა, გუნდს 23 ქულა მოუტანა (ოთხი გარდასახვა და ხუთი საჯარიმო), მაისურაძე და ურჯუკაშვილი მოედანზე ერთდროულად, 48-ე წუთიდან გამოჩნდნენ, გუნიავას ასპარეზობის საშუალება 53-ე წუთიდან მიეცა.
ბაგნერეს ახლა 12 ქულა აქვს და მე-5 ადგილზეა. მას რეალურად შეუძლია პლეი ოფში გასვლისთვის იბრძოლოს.
D ჯგუფი
ბლანიაკი-მოლეონი 36:13, ბაგნერე-ლურდი 43:8, ოლორონი-ლანამეზანი 29:22, ტიროსი-აგეტმო 33:3, ვალანსი-კასტანე 18:24.
სატურნირო მდგომარეობა
1. ტიროსი - 21 ქულა, 2. ოლორონი - 20, 3. ლანამეზანი - 15, 4. ბლანიაკი - 15, 5. ბაგნერე - 12, 6. აგეტმო - 9, 7. მოლეონი - 9, 8. კასტანე - 8, 9. ვალანსი - 6, 10. ლურდი - 4.
ყოველდღიური სპორტული გაზეთი "ლელო"
