ფრანგული სარაგბო ვებგვერდის, rugbytransferts.com-ის გამოკითხვით, "მონპელეის" შერკინების ქართველი ბურჯი მიხეილ ნარიაშვილი საფრანგეთის ჩემპიონატის საუკეთესო პირველ ნომრად დასახელდა. გამოკითხვაში ნარიაშვილს მხარი 22%-მა (1347 ხმა) დაუჭირა და 9 ხმით აჯობა პარიზული "მეტრო რასინგის" ბურჯს, ედი ბენ არუსს.
იმავე ვებგვერდის გამოკითხვაში, საუკეთესო მარჯვენა ბურჯების ხუთეულში მოხვდა "ტულონის" ქართველი პირველხაზელი ლევან ჩილაჩავა, რომელმაც ხმების 17% მოაგროვა და მეოთხე ადგილზე გავიდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
