რუსეთის ჩემპიონატს ისევ ქართველ მორაგბეთა გუნდი მოიგებს. ფინალში, მოქმედმა ჩემპიონმა ლაშა მალაღურაძის, მიხეილ წიკლაურის, ვალერი ცნობილაძის "კრასნი იარმა" და დავით კაჭარავას "ენისეიმ" გააღწია. "კრასნი იარმა" ნახევარფინალში მონინოს "ვვა" დაამარცხა ორმატჩიან სერიაში. კრასნოიარსკელებმა პირველი მატჩი 14:23 წააგეს, ხოლო განმეორებით შეხვედრაში მშრალი ანგარიშით 25:0 მოიგეს. ამ მატჩში მალაღურაძემ ორ-ორი საჯარიმო და გარდასახვა გაიტანა.
მეორე კრასნოიარსკულმა გუნდმა კი ფინალში თამაშის უფლება პირველივე მატჩში დაიბევა. "ენისეიმ" ბოლო ხანს მომძლავრებულ კრასნოდარის "ყუბანს" სტუმრად 62:25 მოუგო. შინ კი მეტოქეს 27:3 სძლია. კაჭარავა ამ მატჩში თადარიგში იყო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
