ფოთში რაგბის განვითარება ქუთაისის "აიას" ვეტერანი მორაგბის, ამირან შავგულიძის წამოწყებასთანაა დაკავშირებული. "პიკასომ", როგორც მას მეგობრები ეძახიან, რაგბის გუნდების ჩამოყალიბება ჯერ ბათუმში სცადა. იქ ყურადღება რომ არავინ მიაქცია, ფოთს მიაშურა და მალთაყვაში პატარებს მოუყარა თავი.
ნელ-ნელა, რაგბის კავშირისა და ადგილობრივი მუნიციპალიტეტის დახმარებით, ფოთის სარაგბო სკოლა მოღონიერდა და პირველ ლიგაში, აგერ, უკვე რამდენიმე წელიწადია ასპარეზობს "კოლხი რაინდების" სახელით.
ყველაზე დიდი წარმატება კი ეროვნული ნაკრებისთვის აღზრდილი სამი მორაგბეა. ესენი არიან: დიმიტრი ბასილაია (პერპინიანი), ზურაბ ჟვანია (სტად ფრანსე) და ირაკლი მირცხულავა (ტარბი).
ფოთური რაგბის
ცხადია, ყოველივე ამას უკვალოდ არ ჩაუვლია და ფოთის რაგბის საქველმოქმედო ფონდმა "ქართუმ" შესანიშნავი საჩუქარი მიუძღვნა.
მალე ფოთის "კოლხი რაინდები" ახალ, კომფორტულ სტადიონზე ითამაშებენ, რომლის ტრიბუნებიც 2 000 მაყურებელს დაიტევს. იქვეა ხელოვნურსაფარიანი სათადარიგო მოედანიც.
რაც მთავარია, სტადიონი ქალაქის ცენტრთან ახლოს მდებარეობს, ეს კი ახალი თაობის კიდევ უფრო მეტად მოზიდვას შეუწყობს ხელს.
ყოველდღიური სპორტული გაზეთი "ლელო"
![როგორ გამოიყურება ლონდონის "ტოტენჰემის" ახალი სტადიონი [VIDEO+PHOTO]](/pictures/image7/9bd7f584180ebe92c1823c77230408f4.jpg "როგორ გამოიყურება ლონდონის \"ტოტენჰემის\" ახალი სტადიონი [VIDEO+PHOTO]")
