21 ივნისს ქუთაისთან მომხდარი ავარიის შედეგად დაშავებული მორაგბის, გიორგი ლომინაძის და მისი მეუღლის ჯანმრთელობის მდგომარეობა მძიმეა. წყვილი საოპერაციოდ და რეაბილიტაციისთვის სასწრაფოდ თურქეთში გამგზავრებას საჭიროებს, რაც დიდ თანხებთან არის დაკავშირებული. მათ დასახმარებლად სპეციალური ანგარიშის ნომრები გაიხსნა. Ambebi.ge მათ მეგობარს, ანუკა ქებურიას დაუკავშირდა:
- გიორგის და ნუცას ჯანმრთელობის მდგომარეობა ჯერ ისევ მძიმეა, მათ სჭირდებათ რამდენიმე ოპერაცია და ხანგრძლივი სარეაბილიტაციო პერიოდი, რაც დიდ თანხებთან არის დაკავშირებული. ამიტომ შევქმენით სპეციალური ნომრები, სადაც შესაძლებლობა ექნებათ, მათ დაეხმარონ.
- რა დაზიანებები აქვთ?
- გიორგის ფეხზე აქვს
- ფუძის ძვლის მოტეხილობა დაუდგინდა თუ არა?
- გარედან აქვს, შიგნიდან არ არის დაზიანებული, მაგრამ მდგომარეობა საკმაოდ რთულია. ამიტომ ვისაც სურვილი და საშუალება აქვს, ვთხოვთ, დაგვეხმაროს.
ანგარიშის ნომერი: GE68BG0000000733092800 მიმღები: დავით ლომინაძე. ან დარეკეთ შემდეგ ნომერზე - 0901701140. ზარის ღირებულება 1 ლარი.
21 ივლისს სამტრედია-ქუთაისის გზაზე ერთმანეთს დიდი სისწრაფით მოძრავი ორი ავტომობილი შეეჯახა. ავარიას სამი ადამიანის, მათ შორის, ახალგაზრდა ცოლ-ქმრისა და მათი მეგობრის სიცოცხლე ემსხვერპლა.
ავტოსაგზაო შემთხვევის შედეგად ასევე დაშავდნენ მორაგბეები: 32 წლის მერაბ კვირიკაშვილი და 26 წლის გიორგი ლომინაძე, ასევე, მათი მეუღლეები. კვირიკაშვილის მეუღლე ანანო ბუაძე მიღებული ტრავმების გამო დასავლეთ საქართველოს რეფერალურ საავადმყოფოში რამდენიმე დღის წინ გარდაიცვალა.
წყარო: Ambebi.ge
