"არასამართლიანი და არასწორი შეფასებაა გაკეთებული საზოგადოების ნაწილის მხრიდან მეკო კვირიკაშვილის მონაწილეობით მომხდარ ავტოსაგზაო შემთხვევასთან დაკავშირებით. საზოგადოებას არ აქვს ზუსტი ინფორმაცია. გთხოვთ, წაიკითხოთ და მოერიდოთ მინიმუმ აგრესიულ შეფასებას, როდესაც ფაქტობრივი გარემოებები არ იცით.
იმ დღეს მეკომ და ანანომ 4 შვილი დატოვეს სურამში გზად. ვაზუსტებ, ალკოჰოლის ზემოქმედების ქვეშ არ იმყოფებოდნენ, რაც დაადგინა ექსპერტიზამ. მეკო მოძრაობდა 100 კმ/ს სიჩქარით და არაუმეტეს!
გარდაცვლილის მშობლები ანანოსთან საავადმყოფოშიც კი იყვნენ. მაოცებს მათი შეგნება, დამოკიდებულება და ჰუმანურობა. კიდევ ერთხელ დიდ მწუხარებას გამოვთქვამ მათი გარდაცვლილი შვილების გამო და დიდ პატივისცემას გამოვხატავ მათ მიმართ.
მესმის, საზოგადოებისთვის გაუგებარია მისი მოედანზე გასვლა, მაგრამ მას ჰყავს 4 შვილი, რომელსაც მარტო ზრდის და უვლის. მან უნდა გააგრძელოს ცხოვრება ძალიან მძიმე ტვირთით. გარედან ყოველთვის ყველაფერი სხვაგვარად ჩანს, არავინ არაფრისგან არის დაზღვეული..." - წერს ვიქტორია ეზუგბაია.
შეგახსენებთ, რომ 21 ივლისს, ავტოსაგზაო შემთხვევის შედეგად მორაგბეები: 32 წლის მერაბ კვირიკაშვილი და 26 წლის გიორგი ლომინაძე, ასევე, მათი მეუღლეები დაშავდნენ. სამტრედია-ქუთაისის გზაზე ავარიის დროს ერთმანეთს დიდი სისწრაფით მოძრავი ორი ავტომობილი შეეჯახა. ავარიას სამი ადამიანის - ახალგაზრდა ცოლ-ქმრისა და მათი მეგობრის სიცოცხლეც ემსხვერპლა, გარდაიცვალა კვირიკაშვილის მეუღლე ანანო ბუაძეც.
- აია-ლელო 25:17 - მერაბ კვირიკაშვილი მოედანს დაუბრუნდა...
რა გვჭირს, რა დაგვემართა, რა დღეში ვართ?!?!?!
არ შეიძლება ასე ადვილად გადაითელოს ადამიანის უფლებები?!
ჯვარი გვეწეროს ყველას მაგრამ მეკოს ადგილზე ფინანსისტი, იურისტი, ბუღალტერი ან უბრალო მუშა რომ ყოფილიყო, გამოჯანმრთელების მერე არ უნდა დაბრუნებოდა თავის პროფესიას???
არ გვაქვს არანაირი ფაქტი, არ ვიცით რა მოხდა და ასე უცერემონიოდ ადამიანს ვადანაშაულებთ, რომელსაც საერთოდ არ ვიცნობთ, არ ვიცით მის შინაგან სამყაროს რა ცეცხლი უკიდია და რა დღეშია...
თუმცა ჩემი კომენტარი რას უშველი თუ ადამიანი ასეთი მქუხარე კრიტიკით წერს რომ დამნაშავეა, არ უნდა ითამაშოს (ვერ შეიგნო და ეხლა შეაგნებინებ)...
არ მესმის ამ ადამიანზე უფრო მეტად განიცდის ვინე მის გარდაცვლილ მეუღლეზე თუ რა ხდება?!
მერაბ არ გიცნობ ძმაო მაგრამ რკინის ნერვებს და გამძლეობას გისურვებ, ჭირდები შენს შვილებს და გვჭირდები ჩვენ ქართველებს არა მარტო რაგბის გამო არამედ ჩვენ საზოგადოებას.
სრული უფლება გაქვს იცხოვრო და გისურვებ შენი შვილების მომავლით გახარებულიყავი.
რა უნდა ქნას,უნდა გალოთდეს?