ამასობაში ავსტრალიის ნაკრები სამი ერის გათამაშების ბოლო მატჩისთვის ემზადება. "ვოლაბების" მთავარმა მწვრთნელმა რობი დინსმა "ოლ ბლექსთან" სათამაშოდ ძირითად შემადგენლობაში ენტონი ფაინგაა, რადეკი სამო და დენ ვიკერმანი გაამწესა. ჯეიმზ ორვილი, რომელიც ახლახან გუნდის კაპიტნად აირჩიეს შაბათს ეროვნულ ნაკრებში 77-ე კეპს მოიხვეჭს. სამო "ვოლაბების" ძირითადში ადგილს 2004 წლის შემდეგ პირველად დაიკავებს, ხოლო ვიკერმანმა ბოლოს სასტარტო შემადგენლობაში 2008 წელს ითამაშა. ის ამჟამად მეორე ხაზში ნათან შარფს შეუწყვილდება.
ფაინაგაას კი ნამდვილად გაუმართლა. ის დინსმა შუამარბ ადამ ეშლი-კუპერის ნაცვლად დააყენა, რომელიც ფრთაზე ჩხუბისთავ ჯეიმზ ოკონორს
ავსტრალიელებს შესანიშნავი შანსი აქვთ სამი ერის წლევანდელი გათამაშება მოიგონ. ამას ისინი სამხრეთაფრიკელებს უნდა უმადლოდნენ, რომლებმაც გასულ უქმეებზე პორტ ელიზაბეტში "ოლ ბლექსის" დამარცხება შეძლეს. დღესდღეობით ორივე გუნდს ცხრა-ცხრა ქულა დაუგროვდა. გამარჯვებული, ცხადია, პირველ ადგილს დაიკავებს, რაც მსოფლიოს თასის წინ მათ შესანიშნავ განწყობას და საკუთარ ძალებში რწმენას შემატებს.
ამასთან, ისიც გასათვალისწინებელია, რომ "ვოლაბები" და "ოლ ბლექსი" მსოფლიოს თასზე უმთავრესი ფავორიტები არიან და, თუ რამე მოულოდნელი არ მოხდა, ფინალამდე ერთმანეთს არ ხვდებიან. ასე რომ, გამორიცხული არ არის, ბრიბენული დაპირისპირება, მსოფლიოს თასის ფინალის ერთგავრი რეპეტიცია იყოს.
ავსტრალია: 15. ქართლი ბეილი, 14. ადამ ეშლი-კუპერი, 13. ენტონი ფაინგაა, 12. პატ მაკკები, 11. დიგბი იოანი, 10. ქუადე კუპერი, 9. ვილი გენია. 1. სეკოპე კეპუ, 2. სტივენ მური, 3. ბენ ალექსანდერი, 4. დენ ვიკერმანი, 5. ჯეიმზ ჰორვილი, 6. როკი ელსომი, 7. დევიდ პოკოქი, 8. რადეკი სამო.
16. საია ფაინგაა, 17. სალესი მააფუ, 18. რობ საიმონსი, 19. ბენ მაკკალმენი, 20. სკოტ ჰიგინბოთამი, 21. ლუკ ბარჯესი, 22.
სატურნირო მდგომარეობა
1. ახლი ზელანდია - 9 ქულა, 2. ავსტრალია - 9, 3. სამხრეთ აფრიკა – 5.
ყოველდღიური სპორტული გაზეთი "ლელო"
