ირლანდიის ნაკრების მთავარმა მწვრთნელმა დეკლან კიდნიმ თავის მორაგბეებს მოუწოდა, ამ უქმეებზე იტალიის ეროვნულ გუნდთან გასამართ მატჩს მაქსიმალურად მობილიზებულნი შეხვდნენ და მეტოქეს პატივისცემით მოეკიდონ. ირლანდიელებმა ექვსი ერის წლევანდელ გათამაშებაში მხოლოდ ერთი შეხვედრა გამართეს. "სამყურები" შინ დამარცხდნენ უელისის ნაკრებთან. მეორე მატჩი, კი რომელიც პარიზში "ლე ბლოსთან" უნდა გამართულიყო, უამინდობის გამო გადაიდო. კიდნის და კომპანიას აუცილებლად გამარჯვება სჭირდება. თუმცა თავად "სამყურების" თავკაცს მიაჩნია, რომ მისი მოპოვება იტალიის ნაკრებთან ძალიან გაუჭირდება. მაგალითისთვის შარშანდელი ტურნირიც კმარა, როცა რომში ირლანდიელებმა თამაში ბოლო წუთზე რონან ოგარას ფეხჩუბინობის
"იტალიური კლუბები ორი წელია კელტთა ლიგაში ასპარეზობენ. ამან უაღრესად დადებითი გავლენა იქონია ამ ქვეყნის ნაკრების მოთამაშეებზე. ისინი საგრძნობლად მოღონიერდნენ. თუ რამდენიმე წლის წინათ "სკუადრა აძურა" 60-70 წუთის განმავლობაში სწევდა წინააღმდეგობას, ახლა ამ გუნდს მთელი თამაშის განმავლობაში შეუძლია უკანასკნელ ამოსუნთქვამდე ბრძოლა.
"სკუადრა აძურას" ახალმა ფრანგმა მწვრთნელმა გუნდის თამაშში სიახლე შეიტანა. იტალიელი მორაგბეები სულ უფრო მეტად ხელდახელ ბურთაობენ. ექვსი ერის მეორე ტურში ინგლისის ნაკრები მათთან შეხვედრაში წაგებას სასწაულით გადაურჩა. იტალიელებს გამარჯვების შანსი მიეცათ და ანერვიულდნენ, სწორედ ამიტომ გაუცუდდათ ორი ხელსაყრელი საჯარიმო დარტყმა.
ერთი სიტყვით, წინ საკმაოდ მძიმე ბრძოლა გველის და გამორიცხული არ არის მატჩის ბედი ბოლო წუთებზე გადაწყდეს. ყველაფერი უნდა ვიღონოთ, რომ ამ დროისთვის "სკუადრა აძურას" გამარჯვების მოპოვების შანსი აღარ ჰქონდეს." - თქვა "სამყურების" თავკაცმა დეკლან კიდნიმ.
ირლანდიელთა დამრიგებელმა უკვე დაასახელა ის 22 მორაგბე, რომლებიც ექვსი ერის წლევანდელ გათამაშებაში პირველი გამარჯვების მოპოვებას შეეცდებიან. აღსანიშნავია, რომ მიკრო ტრავმა აწუხებდა მგეზავ ჯონათან სექსტონს, თუმცა ამჯერად ის ჯანმრთელია და თამაშს შეძლებს.
შესაბამისად ისევ სათადარიგოთა შორის იქნება გამოცდილი რონან ოგარა. კვლავ ტრავმას იშუშებს და არ ითამაშებს ირლანდიელთა საუკეთესო მორაგბე, შუამარბი ბრაიან ოდრისკოლი.
ირლანდია: 15. რობ კირნი, 14. ტომ ბოუი, 13. ქის ირლზი, 12. გორდონ დარსი, 11. ენდრიუ ტრიმბლი, 10. ჯონათან სექსტონი, 9. კონორ მურეი. 1. ციან ჰილი, 2. რორი ბესტი, 3. მაიკ როსი, 4. დონჩა ოკალაჰანი, 5. პაულ ოკონელი, 6. სტივენ ფერისი, 7. შონ ობრაიანი, 8. ჯიმი ჰისლიპი.
16. შონ კრონინი, 17. ტომ კარტი, 18. დონჩა რაიანი, 19. პიტერ ომაჰონი, 20. ეოინ რედანი, 21. რონან ოგარა, 22. ფერგიუს მაკფოდენი.
ყოველდღიური სპორტული გაზეთი "ლელო"
