ახალ ზელანდიაში გასამართი მსოფლიოს თასის გათამაშებაში, საქართველოს ნაკრების მეტოქის, ინგლისის ეროვნული გუნდის მთავარმა მწვრთნელმა მარტინ ჯონსონმა 30-კაციანი შემადგენლობა დაასახელა.საერთო აზრით, "პომების" ყველაზე დიდი დანაკარგი უკანახაზელი რიკი ფლუტია. ჯონსონი იძულებული იყო ის შინ დაეტოვებინა. თავდაპირველად ინგლისელთა თავკაცი ახალ ზელანდიაში ორი ცხრა ნომრის წაყვანას აპირებდა, მაგრამ რადგან ბენ იანგზს ოპერაციის შემდეგ რეაბილიტაციის კურსი ჯერ კიდევ არ დაუსრულებია, დაზღვევის მზნით განაცხადში სამი ცხრა ნომერი შეიყვანა, ასე მოხვდა გუნდში იანგზთან და რიჩრად ვაიგელსვორსთან ერთად კიდევ ერთი ცხრა ნომერი ჯო სიმპსონი. შედეგად, ჯონსონს უკანა
ჯონსონმა ახალ ზელანდიაში 17 მორკინალი და 13 უკანახზელი იახლა. ამათგან ხუთი ისეთი მორაგება, რომელმაც 2003 წლის მსოფლიოს თასი მოიგო. წინა 2007 წლის მსოფლიოს თასზე კი 11-მა ამჟამინდელმა "პომმა" იასპარეზა, მათგან რვამ სამხრეთ აფრიკასთან ფინალში ითამაშა.
ინგლისელთა გუნდში გამოცდილებისა და ახალგაზრდების შესანიშნავი სინთეზია. მსოფლიოს ერთ-ერთი საუკეთესო მგეზავი ჯონი ვილკინსონი მსოფლიოს თასზე მეოთხედ ითამაშებს. ყველაზე ასაკოვანი კი მორკინალი საიმონ შოუა, რომელსაც ახალ ზელანდიაში 38 წელი შეუსრულდება. ხოლო ყველაზე ახალგაზრდა წარმოშობით სამოელი შუამარბი მანუ ტუილაგია. ის სულ რაღაც 20 წლისაა.
"ნაკრების შემადგენლობის ზუსტად შერჩევას ძალიან დიდი მნიშვნელობა აქვს. ვფიქრობთ, რომ ამჯერად სწორედ ის მოთამაშეები შევარჩიეთ, რომლებსაც გუნდისთვის მაქსიმალური სარგებლობის მოტანა შეუძლიათ. რამდენიმე მორაგბესთან საკმაოდ მწვავე სატელეფონო საუბარო მქონდა.
ახლა ჩვენთვის აუცილებელია გუნდური სული და ერთობა შევინარჩუნოთ. ნაკრრბში რამდენიმე ძალზედ გამოცდილი მოთამაშე გვყავს, რომლებსაც ლიდერობა რეალურად შეუძლიათ, თუმცა კაპიტნად ყველამ ერთხმად ლუის მუდი აირჩია. დარწმუნებულნი ვართ, რომ ის თავისი შესანიშნავი თვისებებით ახალ ზელანდიაში გუნდის წარმატებაში უდიდეს წვლილს შეიტანს.
ამჟამად ჩვენი მთავარი მიზანია ამ უქმეებზე ირლანდიასთან სათამაშოდ კარგად მოვემზადოთ. ვეცადოთ, რომ კიდევ უფრო გავაუმჯობესოთ თამაშის ხარისხი." - თქვა მარტინ ჯონსონმა.
"პომების" თავკაცმა სრულიად ლოგიკური გადაწყვეტილება მიიღო და ის მოთამაშეები შეარჩია, რომლებსაც ნაკრების ღირსად ბევრი სპეციალისტი მიიჩნევდა. ინგლისის ნაკრებში ვერ მოხვდენენ სამხრეთაფრიკული წარმოშობის მორაგბეები მორის ბოთა და ჰენრი ფური. ასევე გუნდის მიღმა დარჩა გარემარბი უგო მუნი, რომელსაც "ბარსბაროსების" შემადგენლობაში თბილისში საქართევლოს ნაკრებთან უთამაშია.
შეგახსენებთ, რომ ინგლისის ნაკრები მსოფლიოს თასზე პირველ შეხვედრას 10 სექტემბერს არგენტინის ნაკრებთან გამართავს. 18 სექტენბერს კი "ბორჯღალოსნებს" დანიდინში დაუპირისპირდება.
ინგლისის ნაკრები
შერკინება: დენ კოლი, ალექს კორბიშერო, ენდრიუ შერიდანი, მეთ სტივენსი, დევიდ ვილსონი, დილან ჰართლი, ლი მაერასი, სტივ თომსონი, ლუის დიკონი, კორტნი ლოუ, ტომ პალმერი, საიმონ შოუ, ტომ კროფტი, ნიკ ისტერი, ჯეომზ ჰესკელი, ლუის მუდი, ტომ ვუდი.
უკანა ხაზი: დელონ არმითიჯი, ბენ ფოდენი, კრის ეშტონი, მარკ კუეტო, მეთ ბანაჰანი, შონთაი ჰეპი, მაიკ თონდოლი, მანუ ტუილაგი, ტობი ფლუდი, ჯონი ვილკინსონი, ჯო სიმპსონი, რიჩრად ვაიგელსვორსი, ბენ იანგზი.
განაცხადში ვერ მოხვდენენ:
ტიმ პაინი, პაულ დორან-ჯოუნზი, ჯორჯ ჩატერი, მორის ბოთა, ჯო ვორსლი, კრის რობშო, ჰენრი ფური, ტომას ვალდრომი, ჩარლი ჰოჯსონი, რიკი ფლუტი, უგო მუნი, ჩარლი შარპლსი, ჯეიმზ სიმსპონ-დენიელი, დევიდ სტრიტლი, დენ კერი.
ყოველდღიური სპორტული გაზეთი "ლელო"
