დღეს, 9 სექტემბერს, ახალი ზელანდიის ქალაქ ოქლენდში, თბილისის დროით 11:30 საათზე, მსოფლიოს თასის გათამაშება ოფიციალურად გაიხსნა. პირველ შეხვედრაში, მასპინძლები, რომლებიც შეჯიბრების უმთავრესი ფავორიტები არიან, ტონგას ნაკრებს დაუპირისპირდნენ და მეტოქე დამაჯერებლად - 41:10 დაამარცხეს.
"ოლ ბლექსის" გუნდმა პირველ ტაიმში ტონგას ნაკრებს 29:3 სძლია. შეხვედრის მეორე ტაიმში სიტუაცია არ შეცვლილა, მასპინძლებმა მონაგარს კიდევ 12 ქულა შემატეს. ახალი ზელანდიის ნაკრებში 2-2 ლელოთი გამოირჩნენ დაგი და კაიუ. ტონგას ნაკრების მონაგარი კი მხოლოდ თითო ლელო, გარდასახვა და საჯარიმოა.
რაგბი. მსოფლიო თასი.
ახალი ზელანდია - ტონგა 41:10 (29:3)
ლელო: დაგი (2), კაუი (2) კაინო, ნონუ - ტაუმალოლო
გარდასახვა: კარტერი (3), სლეიდი - მორატი
ჯარიმა: კარტერი - მორატი
