ახალ ზელანდიაში მიმდინარე მსოფლიოს თასის B ჯგუფში, სადაც საქართველოს მორაგბეთა ნაკრებიც ასპარეზობს, პირველი მატჩი შოტლანდიისა და რუმინეთის ნაკრებებს შორის გაიმართა. ამ დაპირისპირებაში ფავორიტებად სქოთებს მიიჩნევდნენ და მართლაც - შოტლანდიელებმა მატჩი ანგარიშით 34:24 მოიგეს, თუმცა საამისოდ უდიდესი ბრძოლის გადატანა დასჭირდათ.
შოტლანდიელებმა შეხვედრა კარგად დაიწყეს და შესვენებაზე შვიდქულიანი უპირატესობით გავიდნენ (18:11), თუმცა მეორე ტაიმში "მუხის ფოთლებმა" იძალეს და დანიელ კარპოს ლელოს წყალობით ანგარიშში დაწინაურდნენ კიდეც - 24:21.
შოტლანდიელებმა ანგარიში ოთხ წუთში გაათანაბრეს, მათთვის გამარჯვების მომტანი კი სიმონ დაინელის მატჩის მიწურულს გატანილი ორი
დღეს, 10 სექტემბერს ჩვენს ჯგუფში კიდევ ერთი მატჩი გაიმართება - ჩვენი დროით 12:30-ზე ინგლისისა და არგენტინის ნაკრებები ითამაშებენ.
რაც შეეხება საქართველოს ნაკრებს, ჩვენი მორაგბეები ახალ ზელანდიაში პირველ მატჩს 14 სექტმებერს, შოტლანდიის ნაკრებთან გამართავენ.
2011 წლის მსოფლიოს თასის გათამაშების D ჯგუფში ფიჯის ნაკრები ნამიბიას დაუპირისპირდა და ანგარიშით 49:25 იმარჯვა.
