მომავალ უქმეებზე, 26 ნოემბერს ლონდონში, "თვიქნემზე" ავსტრალიის ნაკრები "ბარბაროსებს" დაუპირისპირდება. ეს მატჩი წლევანდელი საერთაშორისო სანაკრებო რაგბის ერთ-ერთი ბოლო შეხვედრა იქნება, რომელიც მართლაც საინტერესო სარაგბო სეზონს დაასრულებს. "ბარბაროსებს" მსოფლიოს თასის მფლობელის ახალი ზელანდიის აწ უკვე ყოფილი მთავარი მწვრთნელი გრემ ჰენრი უთავკაცებს.
მან საავსტრალიოდ შემდეგი მოთამაშეები შეარჩია.
ბარბაროსები
შერკინება: კევინ მეალამუ, ჟერომ კაინო, ადამ თომსონი (სამივე-ახალი ზელანდია), ადრიან სტრაუსი, ვიქტორ მეტფილდი (ორივე-სამხრეთ აფრიკა), სალვატორე პერუჯინი, მაურო ბერგამასკო, მარკო ბორტოლამი (იტალია), სილვენ მარკონე (საფრანგეთი), ეუსებიო გინაზუ (არგენტინა), საიმონ შოუ (ინგლისი), ჯეისონ უაითი (შოტლანდია).
ყოველდღიური სპორტული გაზეთი "ლელო"
