მსოფლიოს თასის გათამაშება ახალ ზელანდიაში თითქმის ორი თვეა რაც დასრულდა, თუმცა ურთიერთბრალდებები ფინალური მატჩის მონაწილეების მხრიდან დღემდე გრძელდება. "ოლ ბლექსის" კაპიტანმა, რიჩი მაკქოუმ ფრანგთა შუამარბის, ორელიან რუჟერის კრიტიკას უპასუხა.
"ფრანგები, როცა რაღაცის ეშინიათ, აუტანლად ცუდები ხდებიან. ისინი იმდენად დაეცნენ, რომ თამაშისას პირდაპირ თვალების ამოკორტნას ცდილობდნენ. იმის ნაცვლად, რომ ამისთვის დაესაჯათ, აქეთ შეტევაზე გადმოდიან და ათას სიბინძურეს გვაბრალებენ. ამას სჯობია, ყველამ თავის გულში ჩაიხედოს" - თქვა მან.
ყოველდღიური სპორტული გაზეთი "ლელო"
