ინგლისის ერთ-ერთი ყველაზე ტიტულოვანი კლუბი ლონდონის "ვოსფსი", რომელიც ყველაზე პრესტიჟული "ჰაინეკენის თასის" გათამაშების 2004 და 2007 წლების გამარჯვებულია, გაკოტრების პირასაა. ლონდონელები წლეულს წარუმატებლად ასპარეზობენ. ინგლისის ჩემპიონატში ბოლოსწინა ადგილზე არიან და ოთხი ქულით უსწრებენ ჯონი ვილკინსონის მშობლიურ "ნიუკასლს". "ვოსფსი" ევროთასებზე "ემლინ ჩელენჯ კაპის" გათამაშებაში ასპარეზობდა და მეოთხედფინალში ასევე კრიზისში მყოფ ფრანგულ "ბიარიცთან" დამარცხდა.
კლუბის ფინანსური მდგომარეობა კატასტროფულია. "ვოსფსი" ყოველწლიურად 2,5 მილიონ ევროს კარგავს, დეფიციტი კი საერთო ჯამში 10 მილიონ ევროს შეადგენს. თუ ლონდონელები უახლოესი რამდენიმე კვირის განმავლობაში კლუბის ახალ მეპატრონეს არ
ინგლისის ჩემპიონატის დებულების თანახმად კი 22 ქულა დააკლდება, რაც თავისთავად დივიზიონიდან გავარდნას ნიშნავს.
ერთი სიტყვით, ეს ვითარება ახალი არ არის. კლუბის მეპატრონე მილიარდერი სტივ ჰეისი მის გაყიდვას 2011 წლის ნოემბრის შემდეგ უშედეგოდ ცდილობს. გუნდის ინფრასტრუქტურა არასრულყოფილია, სავარჯიშო და სათამაშო მოედნების დაქირავება კი ძვირი ჯდება. ამასთან ერთად, ჰეისს პრობლემები აქვს მართლმსაჯულებასთან და რაგბისთვის არ სცხელა.
თუმცა კლუბის პრეზიდენტი მარკ რიგბი ამტკიცებს, რომ პოტენციური ინვესტორებისა და მეცენატების რიგი უდგას. ყველაზე საოცარი კი ის არის ასეთ რთულ სიტუაციაში, კლუბი განაგრძობს ახალი, საკმაოდ ძლიერი მოთამაშეების მიწვევას.
"ვოსფსში" თამაშზე თანხმობა განაცხადეს ინგლისის ნაკრების წევრებმა, ტომ პალმერმა და ჯეიმზ ჰესკელმა (ორივე - სტად ფრანსე). ახლახან კონტრაქტი გააფორმა გუნდთან უელსის ნაკრების მგეზავმა სტივენ ჯოუნზმა.
ყოველდღიური სპორტული გაზეთი "ლელო"
