საქართველოს ნაკრების მეტოქე ნოემბრის ტესტებზე ფიჯის ეროვნული გუნდი მომავალ კვირაში წყნარი ოკეანის აუზის ქვეყნების ერთა თასის გათამაშებაში ჩაერთვება. კუნძულელთა პირველი მეტოქე იაპონიის ნაკრები იქნება, რომელიც ნოემბერში ასევე გვეწვევა თბილისში.
ფიჯელების ახალმა მთავარმა მწვრთნელმა ინოკი მალემ გუნდში 31 მორაგბე იხმო. აქედან ლეგიონერი მხოლოდ შვიდია. კაპიტანი ედინბურგელი ნეტანი ტალეი იქნება.
დიკონ მანუმ, რომელიც ფიჯის ნაკრებს ახალ ზელანდიაში გამართულ მსოფლიოს თასის გათამაშებაში მიუძღოდა, ახლახან კონტრაქტი გააფორმა უელსურ "ჰლანეჰლისთან" და ტურნირში მონაწილეობას ვერ მიიღებს.
"მოთამაშეთა აბსოლუტურ უმრავლესობას ნაკრებში დებიუტი ექნება. ისინი ყველანი ფიჯიზე თამაშობენ,
ფიჯის ნაკრები
კელემედი ბოლა, ალოისიო ბუტონიდუალევუ, გრემ დევისი, ვერენიკი გონევა, აისაკე კატონიბაუ, კელევი კეტედრომო, სიმელი კონიფერედი, ბენედიტო კოროი, სეტარეკი კოროილაგილაგი, ნიკოლა მატავალუ, აპისაი ნაიკატინი, ვაისეა დავეტა, ლეონე ნაკარავა, სერემაია ნაურეურე, ნემია კენატალე, ილიესა რატუვა, მალა რავულო, სტეფანო სომოსა, ნეტანი ტალეი, ვილიამ ვეიკოსო, სამუ ბოლა, ვატისონი ვოტუ, ვაისეა ნაიაკალევუ, ჯერი იანუიანუტავა.
რონსერო და კონტეპომი ისევ პუმებში
არგენტინის ნაკრების მთავარმა მწვრთნელმა სანტიაგო ფელანმა ივნისის ტესტებისთვის ეროვნულ გუნდში ბოლოჯერ უხმო შერკინების ბურჯ როდრიგო რონსეროს, რომელმაც წლევანდელი სეზონის დასრულების შემდეგ რაგბიდან წასვლა გადაწყვიტა.
"ბარბაროსების" შემადგენლობაში ასპარეზობის შემდეგ "პუმებს" შეუერთდება ვეტერანი მგეზავი ფელიპე კონტეპომიც. სულ კი ფელანმა ევროპაში მოთამაშე მხოლოდ ცხრა მორაგბე მიიწვია. გუნდის შემადგენლობაში არ არის არცერთი არგენტინელი, რომელიც საფრანგეთის სარაგბო ჩემპიონატის ელიტური, პირველი დივიზიონის პლეი ოფში მოთამაშე გუნდებში ასპარეზობს.
დანარჩენი 16 მოთამაშე არგენტინის "პამპასების" წევრია, რომელიც სამხრეთ აფრიკაში "ვადაკომის თასის" გათამაშებაში მონაწილეობს.
შეგახსენებთ, რომ არგენტინის ნაკრები 9 ივნისს შინ იტალიის ეროვნულ გუნდს დაუპირისპირდება, 16 და 23 ივნისს კი ორჯერ ეთამაშება საფრანგეთის ნაკრებს.
არგენტინის ნაკრები
ბელისარიო აგულა, ანდრეს ბორდოი, ფელიპე კონტეპომი, როდრიგო რონსერო, ფრანსისკო ტეტას ჩაპარო, ეუსებიო გინასუ, ფრანსისკო გომეს კოდელა, პაბლო ჰენი, იგნასიო მიერესი, ხოაკინ ტუკულეტი, ბენიამინ ურდაპილეტა, გაბრიელ ასკარტე, როდრიგო ბაესი, ფაკუნდო ბარეა, ჯენარო ფესია, როდრიგო ბრუნო, ტომას კუბეჯი, ტომას დე ლა ვეგა, ხულიო ფარიას კაბელო, სანტიაგო გუსმანი, ბენიამინ მაკომე, ავგუსტინ გოსიო, მარტინ ლანდახო, ტომას ლეონარდი, რომან მირალეს, მანუელ მონტერო, მატიას ორლანდო, ბრუნო პოსტილიონი, ლეონარდო სენატორე.
ყოველდღიური სპორტული გაზეთი "ლელო"
