ქრაისთჩერჩში რაგბი ბრუნდება

დღეს ზე რაგბის გათამაშების მესამე ტური ქრიასთჩერჩის "კრუსეიდერზისა" და სიდნეის "ვორათაზის" მატჩით გაიხსნება. ორი ტურის შემდეგ სიდნეელებთან ერთად დაუმარცხებლნი არიან  დურბანის "ნატალ შარქსი", პრეტორიის "ბლუ ბულზი" და დანიდინის "ჰაილენდერზი". ჰემილთონის "ჩიფსი" კი ერთადერთი გუნდია, რომელსაც ქულათა გრაფაში ნული უწერია.

ზე რაგბის შვიდგზის გამარჯვებული "კრუსეიდერზი" დამანგრეველი მიწისძვრის შემდეგ პირველად ითამაშებს მშობლიურ ქალაქში. ქრაისთჩერჩელთა მეტოქე ჯერჯერობით ყველაზე უკეთესად მოთამაშე გუნდი, "ვორათაზი" იქნება.

ქომაგები ემოციურად გადატვირთულ ბრძოლას ელდოებიან. "კრუსეიდერზი" დროებით დაბანაკდება "ტრაფალგარ პარკზე", რადგან ძირითადი არენა, "ემი სთედიუმი" დაზიანებულია. კლუბს გადაწყვეტილი აქვს მატჩი

"ტურნირის საწყის ორ ან სამ კვირაში მოგება შეუძლებელია. დასაწყისი შეიძლება წარუმეტებელი გამოდგეს, მაგრამ თუ სწორ დასკვნებს გააკეთებ და ხარვეზებს გამოასწორებ, წარმატებაც არ დააყოვნებს.

ძალიან ბევრია დამოკიდებული "ვორათაზთან" მატჩის შედეგზე. ყველა ღონე უნდა ვიხმაროთ გამარჯვების მოსაპოვებლად." - თქვა "კრუსეიდერზის" მწვრთნელმა ტოდ ბლეკედერმა.

Planetrugby-ს პროგნოზით, მასპინძლები ექვსი ქულის სხვაობით მოიგებენ.

ტურის ცენტრალური შეხვედრა პრეტორიაში გაიმართება, სადაც "ბლუ ბულზი" B ჯგუფის ლიდერს, დანიდინის "ჰაილენდერზს" უმასპინძლებს. ორივე გუნდი, როგორც უკვე ვთქვით, დაუმარცხებლად ასპარეზობს და, ცხადია, უმძიმესი ბრძოლის გადატანა მოუწევთ.

მიუხედვად იმისა, რომ "ლურჯმა ხარებმა" ორი მატჩიდან ორივე მოიგეს, ჩვეული ფორმიდან ჯერჯერობით შორს არიან. წინა ტურში, "ჩიტაზთან" მატჩში თითქმის წაგებული თამაში პრეტორიელებმა დაკვნით 15 წუთში გადაარჩინეს. "ჰაილენდერზთან" იგივეს გამეორება გაჭირდება, შესაბამისად "ბლუ ბულზს" თავიდან ბოლომდე მაქსიმალური მობილიზება მართებს.

"ჰაილენდერზმა", რომელმაც წინა ტურში ჰემილთონის "ჩიფსი" დაამარცხა - 23:13, შემადგენლობაში სამი ცვლილება განახორციელა. ტრავმირებულ მგეზავ ლიმა სოპოგას შეცვლის რობი რობინსონი. ფრთაზე კი სიელ პიუტო ჯეიმზ პეტერსონის ადგილს დაიკავებს.

წლეულს მოედანზე პირველად გამოჩნდება ტომ დონელი, რომელიც ტონი ბრაუნის მაგივრად ითამაშებს.

Planetrugby-ს მიაჩნია, რომ "ბლუ ბულზი" მინიმუმ ხუთი ქულით მოიგებს.

პირველად ითამაშებს სტუმრად ზე რაგბის ახალი გუნდი "მელბურნ რებლზი". სიპრიანი და კომპანია, რომელმაც მეორე ტურში, ისტორიაში  პირველი გამარჯვება მოიპოვა, აუტსაიდერ ჰემილთონის "ჩიფსს" დაუპირისპირდება. მელბურნელებს შესანიშნავი შანსი აქვთ, მეორე გამარჯვებაც მიითვალონ და ლიდერთა შორის გაერივნონ.

"რებლზის" ქომაგების მთავარი იმედი, ცხადია, ჭირვეული დენი სიპრიანია, რომელიც მეორე ტურის სიმბოლურ ნაკრებშიც მოხვდა. თუმცა სტუმრად თამაშს განსხვავებული ფსიქოლოგიური დატვირთვა აქვს და, საინტერესოა, დებიუტანტები ამ სიტუაციაში თავს როგორ წარმოაჩენენ.

Planetrugby-ს პროგნოზით, მინიმალური სხვაობით "ჩიფსი" მოიგებს.

ზე რაგბი. IIIტური

A ჯგუფი
ფორსი-ნატალ შარქსი, ბრამბიზი-რედსი
სატურნირო მდგომარეობა
1. ვორათაზი - 10 ქულა, 2. ბრამბიზი - 5, 3. რედსი - 4, 4. მელბურნ რებლზი - 4, 5. ფორსი - 1,

B ჯგუფი
კრუსეიდერზი-ვორათაზი, ჩიფსი-მელბურნ რებლზი

სატურნირო მდგომარეობა
1. ჰაილენდერზი - 8 ქულა, 2. ბლუზი - 4, 3. კრუსეიდერზი - 3, 4. ჰარიკენზი - 3, 5. ჩიფსი - 0.

C ჯგუფი
ლაიონზი-ბლუზი, სტორმერზი-ჩიტაზი, ბლუ ბულზი-ჰაილენდერზი
სატურნირო მდგომარეობა
1. ნატალ შარქსი - 8 ქულა, 2. ბლუ ბულზი - 8, 4. სტორმერზი - 4, 3. ლაიონზი - 2, 5. ჩიტაზი - 1.