ზე რაგბის გათამაშების მე-15 ტური A და B ჯგუფის მესამეადგილოსნების, ველინგთონის "ჰარიკენზისა" და პერთის "ფორსის" დაპირისპირებით დაიწყო. თამაში საკმაოდ საინტერესო გამოდგა და მაყურებელმა ჯამში შვიდი ლელო იხილა. ველინგთონელებმა პირველი ტაიმი 10:18 წააგეს, თუმცა შესვენების შემდეგ უკეთ ათამაშდნენ და 34:28 მოიგეს. მასპინძლებმა მეტოქეს ოთხი ლელო გაუტანეს, აქედან ორი შუამარბ მაა ნონუს ანგარიშზეა.
ტურის ცენტრალური შეხვედრა გაიმართება ბრისბენში, სადაც A ჯგუფის ლიდერი "რედსი" ზე რაგბის ყველაზე ტიტულოვან გუნდს, ქრაისთჩერჩის "კრუსეიდერზს" დაუპირისპირდება. ქრიასთჩერჩელებს, რომლებსაც 48 ქულა დაუგროვათ და B ჯგუფში მეორე ადგილზე არიან,
"კრუსეიდერზი" ამ მატჩის წინ კარგ ხასიათზეა, რადგან ახლახან გუნდთან ოთხი წლით გაახანგრძლივეს კონტრაქტი წამყვანმა მოთამაშეებმა, რიჩი მაქკოუმ და დენ კარტერმა.
C ჯგუფის ლიდერი კეიპთაუნის "სტორმერზი," სტუმრად A ჯგუფის მეოთხეადგილოსან კანბერის ბრამბიზს" დაუპირისპირდება, რომელიც აბსოლუტურად უმოტივაციოდაა. ამიტომ, ადვილი შესაძლებელია, სტორმერზელებმა მეტოქე უპრობლემოდ სძლიოს.
შარშანდელი ჩემპიონი, პრეტორიის "ბლუ ბულზი" შინ მიიღებს ბლუმფონტეინის "ჩიტაზს". "ლურჯი ხარები" C ჯგუფში 40 ქულით მესამე ადგილზეა და მეორეადგილოსან დურბანის "ნატალ შარქსს" სამი ქულით ჩამორჩება. "ზვიგენები" თავის მხრივ, შინ დაუპირისპირდება B ჯგუფის მეორეადგილოსან სიდნეის "ვორათაზს".
XV ტური
A ჯგუფი
ბრამბიზი-სტორმერზი, რედსი კრუსეიდერზი
სატურნირო მდგომარეობა
1. რედსი - 54, 2. ვორათაზი - 45, 3. ფორსი - 28, 4. ბრამბიზი - 24, 5. მელბურნ რებლზი - 19
B ჯგუფი
ჰარიკენზი-ფორსი 34:28, ჰაილენდერზი-ლაიონზი
სატურნირო მდგომარეობა
1. ბლუზი - 50 ქულა, 2. კრუსეიდერზი - 48, 3. ჰაილენდერზი - 43, 4. ჰარიკენზი - 34, 5. ჩიფსი - 30
C ჯგუფი
ნატალ შარქსი-ვორათაზი, ბლუ ბულზი-ჩიტაზი
სატურნირო მდგოამრეობა
1. სტორმერზი - 48 ქულა, 2. ნატალ შარქსი - 43, 3. ბლუ ბულზი - 40, 4. ჩიტაზი - 34, 5. ლაიონზი - 19.
