ფორმულა 1-ის მოქმედმა გამარჯვებულმა მაქს ფერსტაპენმა ლუის ჰამილტონის სეზონის ცუდ სტარტზე ისაუბრა და განაცხადა, რომ "მერსედესის" მეორე პილოტი ჯორჯ რასელი იმავე ბოლიდით უკეთესად გამოიყურება.
შეგახსენებთ, ბრიტანელ 7-გზის მსოფლიოს ჩემპიონს მიმდინარე სეზონში 28 ქულა აქვს და მე-7 ადგილს იკავებს, ლიდერ შარლ ლეკლერს ("ფერარი") კი 58 ქულით (86 ქულა აქვს) ჩამორჩება.
იმოლაში (იტალიის გრან-პრი) "რედ ბულის" ნიდერლანდელმა ჩემპიონმა ლუისს ერთი სრული წრით გადაასწრო. ალბათ, მიხვდებით, თუ რას ნიშნავს ეს ფაქტი "მერსედესისთვის".
"სიმართლე გითხრათ, ეს არაა ის, რაც მსიამოვნებს. ჩემს რბოლაზე ვიყავი ფოკუსირებული,
მანქანებისთვის გვერდის რაც შეიძლება მარტივად ავლას და გამარჯვებას ვცდილობდი. იმის თქმას ვცდილობ, რომ ის რეაქცია არ მქონია, მე ლუისს ერთი წრით გადავასწარი, შესანიშნავია. გასულ წელს მასთან დიდებული დაპირისპირება მქონდა. ახლა 7-გზის ჩემპიონი ისეთ ბოლიდში ზის, რომელიც კარგი ნამდვილად არ არის. ამის მიუხედავად, ჯორჯი მე-4 ადგილს იკავებს, ანუ საშინელება არ არის, ხომ?"
ჰამილტონის ბრძოლა იმოლაში
მაქსმა ამის შემდეგ იმოლაში საკუთარ ტრიუმფსა და ბრიტანელის ჩავარდნაზე (მე-13 ადგილზე გავიდა) ისაუბრა.
"სავარაუდოდ, რასელს კარგი სტარტი ჰქონდა, პირველი წრეც მშვენივრად გაიარა და ეს ყველაფერი დაეხმარა, თუმცა გეტყვით იმას, რომ ლუისის ბოლიდს იმაზე კარგი ტემპი ჰქონდა, ვიდრე ის დადიოდა.
მიუხედავად ამისა, მისთვის გასწრება რთული იყო, რადგან ტრეკის საფარი ნაწილობრივ მშრალი მხოლოდ ერთ ადგილზეა, იქ მაქსიმალური სისწრაფით ვერ იმოძრავებ. ძალიან რთულია იმით მსჯელობა, თუ რამდენად წინ იყო ჯორჯი ლუისზე. ზოგადად, ახალგაზრდა ბრიტანელს მშვენიერი შაბათ-კვირა გამოუვიდა" - განაცხადა ფერსტაპენმა.
შეგახსენებთ, სეზონის რიგით მეხუთე გრან-პრი 7-8 მაისს (კვალიფიკაცია და რბოლა) მაიამიში ჩატარდება. როგორც სოციალურ ქსელში დაიწერა, "მერსედესის" ბოლიდში გარკვეული ცვლილებები შეიტანეს და ლიდერებთან კონკურენციის გაწევას უკვე შეძლებენ.
მომზადებულია Marca-ს მიხედვით
![alt](/pictures/image50/73ec5547f0a0f4c7ea1d569e26bd9176.jpg ""გასულ წელს მასთან დიდებული დაპირისპირება მქონდა ახლა..." - ფერსტაპენმა ჰამილტონს წაკბინა")
ლიდერების სასწაული დაპირისპირება და ჰამილტონის მორიგი კრახი - საუდის არაბეთის გრან-პრი დასრულდა [VIDEO]
![ჰამილტონს ბრაზილიის მოქალაქეობა გადასცეს [VIDEO]](/pictures/image7/e80375a961ff60bc7e64a14dee7845b9.jpg "ჰამილტონს ბრაზილიის მოქალაქეობა გადასცეს [VIDEO]")
