მარიამ ბოლქვაძე - ის ახალგაზრდა ჩოგბურთელია, რომლისაც ქართველ გულშემატკივარს ეიმედება. 19 წლის სპორტსმენი ლონდონში, "უიმბლდონის" კლუბში ვარჯიშობს. Sportall.ge მას დაუკავშირდა და საინტერესო თემებზე ესაუბრა.
განვლილ სეზონზე...
განვლილი სეზონი ჩემთვის ძალიან ნეიტრალური იყო. მოვიგე ერთი 15 000$-იანი ტურნირი ერთეულებში და ორი ამავე საპრიზო თანხის - წყვილებში. ვითამაშე უფრო მეტი 25 000$-იანი და 50 000$-იანი ტურნირები, სადაც საკმაოდ კარგ მოთამაშეებს შევხვდი და საშუალოდ მეოთხედფინალს ვთამაშობდი. ტრავმის გამო გასულ სეზონში ბევრი გამოვტოვე. მთლიანობაში მხოლოდ 14 ტურნირი ვითამაშე, რაც დაგეგმილთან ახლოსაც ვერ მივა. შესაბამისად,
სავარჯიშო ადგილსა და ფედერაციის დახმარებაზე...
15 წლიდან ლონდონში, "უიმბლდონის" კლუბში ვვარჯიშობ. ჩემი მწვრთნელი საიმონ ეილნია.
მიუხედავად იმისა, რომ საქართველოში ჩოგბურთში ბევრი ფული არ იდება, საქართველოსა და აჭარის საჩოგბურთო ფედერაციები ყველანაირად ცდილობენ, ხელი შემიწყონ.
წარმატება ახალგაზრდულ "უიმბლდონზე" და მისი შედეგი...
2016 წელი ჩემი კარიერისთვის საკმაოდ წარმატებული იყო, ერთეულებში ახალგაზრდულ "უიმბლდონზე" მერვედფინალი, ხოლო წყვილებში ფინალი ვითამაშე. ამ წარმატებამ დიდი აჟიოტაჟი გამოიწვია და გამოჩნდა "ლიბერთი ბანკი", რომელიც უკვე მეორე წელია ხელს მიწყობს და მეხმარება.
სამწუხაროდ, მათ გარდა აღარავინ გამოჩენილა. Trec nutrition-ი უკვე მესამე წელია მამარაგებს საკვები დანამატებით და Wilson-ი 14 წლიდან ჩოგნებით და ყველანაირი სპორტული ინვენტარით, გარდა ტანსაცმლისა.
ფედერაციის თასის შესახებ...
ყოველთვის ძალიან ამაყი ვარ იმ ფაქტით, რომ პირველ ჯგუფში ვართ. ამ ჯგუფში თამაში ზედიზედ არის ძალიან კარგი შედეგი. ხანდახან მგონია, რომ ამას ხალხი საკმარისად ვერ აფასებს. რა თქმა უნდა, პირველი ჯგუფიდან ზევით ასვლა ჩვენი მიზანია და ამისთვის ერთი ნაბიჯია დარჩენილი. ერთი დიდი ნაბიჯი, თუმცა მხოლოდ ერთი.
ავტორი: ლაშა ბეგიაშვილი
