დოჰას ტურნირზე წყვილთა თანრიგში პირველივე წრეში დამარცხდა 27 წლის ოქსანა კალაშნიკოვა, რომელიც ბელორუს ჩოგბურთელ ლიდია მაროზოვასთან იყო შეამხანაგებული. ქართულ-ბელრუსულმა დუეტმა ჰაონ ჩინგ ჩანისა და იანგ ზაოუხანის დუეტთან სამ სეტში - 1:6, 6:4, 2:10 წააგო. კალაშნიკოვამ მაროზოვოასთან ერთად წყვილებში პირველად იასპარეზა. წინა ტურნირზე მან ტაიპეის ტურნირის ფინალში ითამაშა, სადაც ნაომი ჰიბინოსთან იყო შეამხანაგებული. დოჰას ტურნირამდე კი იგი საქართველოს ქალ ჩოგბურთელთა ნაკრებსაც დაეხმარა, სადაც წყვილთა თანრიგში სოფია შაფათავასთან ერთად ორი მატჩი მოიგო.
