რაფაელ ნადალი საფრანგეთის ღია პირველობის 1/2-ფინალში გავიდა. ესპანელმა არგენტინელი დიეგო შვარცმანი ოთხ სეტში 4:6, 6:3, 6:2, 6:2 დაამარცხა. "გრუნტის მეფემ" 9 ბრეიკი გააკეთა, საკუთარი ჩაწოდება კი ხუთჯერ დაკარგა. მის ანგარიშზე 1 ეისი და 3 ორმაგი შეცდომა დაფიქსირდა.
ამ გამარჯვებით ნადალი შვარცმანთან ურთიერთდაპირისპირებებში 6:0 დაწინაურდა.
აღსანიშნავია, რომ 2015 წლის შემდეგ ესპანელმა როლან გაროსზე სეტი პირველად წააგო.
ნადალს როლან გაროსი კარიერაში 10-ჯერ აქვს მოგებული. 1/2-ფინალში მისი მეტოქის ვინაობას კი მარინ ჩილიჩისა და ხუან მარტინ დელ პოტროს დაპირისპირება გაარკვევს, რომელიც ამ წუთებში მიმდინარეობს.
![ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]](/pictures/image7/c8dbe304afdc0b72875cb71e962bee11.jpg "ნადალი: \"რეალის\" ფანი ვარ, მაგრამ მესი რონალდოზე უკეთესია [VIDEO]")
