ისტორიულ შედეგთან ახლოს - ნიკოლოზ ბასილაშვილმა საჩოგბურთო სამყარო აალაპარაკა

საქართველოს პირველი ჩოგანი ნიკოლოზ ბასილაშვილი კარიერაში პირველი ATP ტიტულის მოგებასთან ძალიან ახლოსაა.

ქართველმა ჰამბურგის ტურნირზე ასპარეზობა საკვალიფიკაციო ეტაპიდან დაიწყო და მისი ბრწყინვალე თამაშით მთელი საჩოგბურთო სამყარო აალაპარაკა.

როგორც თავად ამბობს, ის უბრალოდ კონცენტრაციას ერთ კონკრეტულ შეხვედრაზე აკეთებს და არ ფიქრობს თუ რა იქნება შემდეგ მატჩში.

უდიდესი შრომის შედეგად ბასილაშვილი იმ დონეზე მივიდა, რაზეც ახლა იმყოფება. მისი ბრწყინვალე სტილში მოპოვებული ქულები მსოფლიოს წამყვან საჩოგბურთო საიტებზე იდება.

მან კარიერაში პირველად გააღწია 500-ქულიანი ტურნირის კატეგორიის 1/2-ფინალში. ნიკოლოზს უთმაშია 250-იანი კატეგორიის ტურნირის ფინალებიც კი, მაგრამ იქ სამწუხაროდ დამარცხებულა.

რა ხდება ჰამბურგის ტურნირზე და რა შანსი აქვს ჩვენებურს სანუკვარი ტიტული დაისაკუთროს?

მის გარდა ასპარეზობას ჩილელი ნიკოლა იარი, რომელიც სწორედ ქართველის მეტოქეა, ასევე იოზეფ კოვალიკი და ლეონარდო მაიერი აგრძელებენ.

ლეონარდო მაიერი ტურნირის მოქმედი ჩემპიონია და დარჩენილი სპორტსმენებიდან ტიტულის დასაკუთრების ერთ-ერთ მთავარ კანდიდატად სწორედ ის ითვლება.

ჩვენთვის სასიახრულოა, რომ გუშინ ასპარეზობას გამოეთიშა ტურნირზე პირველ ნომრად განთესილი ავსტრიელი დომენიკ ტიმი, რომელსაც დღევანდელმა ჩვენმა მეტოქე იარიმ მოუგო.

ჩილელი გრუნტზე ძალიან სახიფათო მოთამაშეა და ძირითადი წარმატებებიც ამ საფარზე აქვს მიღწეული.

მისი და ნიკოლოზის გზები აქამდე ერთხელ გადაიკვეთა და მაშინ სავანას ჩელენჯერზე სამრეთამერიკელმა ჩვენებური 2 სეტში დაამარცხდა.

იარი 22 წლისაა და ამჟამად მსოფლიოს რეიტინგში 69-ე პოზიციაზე იმყოფება. საინტერესოა, რომ ნიკოლოზის მსგავსად, ისიც შემტევი ჩოგბურთის მიმდევარია.

იარის გარდა, დაუძლეველი ბარიერი არც კოვალიკი და არც მაიერია. ნიკოლოზი, ფინალში გასვლის შემთხვევაში, აუტსაიდერი არცერთ მათგანთან არ იქნება.

ბასილაშვილმა ნახევარფინალში გასვლით 180 სარეიტინგო ქულა და € 86 145 გაინაღდა და თუ ხვალ იარისაც მოუგო, პირველად შევა რეიტინგში 50 საუკეთესოს შორის.

ერთ-ერთ ინტერვიუში ნიკოლოზმა აღნიშნა, რომ მან კარგი გუნდის შეკრება დაიწყო და მისი მიზანი ტოპ 10-ში შესვლაა.

ჩვენებურს ისტორიული შანსი აქვს ქართული ჩოგბურთის ისტორია გადაწეროს და სპორტის ეს სახეობა ჩვენს ქვეყანაში კიდევ უფრო პოპულარული გახადოს.

დღეს, თბილისის დროით 17:00 საათზე, ის ცენტრალურ კორტზე მორიგი წარმატების მისაღწევად გამოვა.

ტურნირის შეხვედრების ტრანსილირებას SILK SPORT-ი აწარმოებს, სადაც მატჩის ხილვის საშუალება მოგეცემათ.

ნიკოლოზ ბასილაშვილმა პაბლო კარენო ბუსტასაც სძლია და ჰამბურგის ტურნირის ნახევარფინალში გავიდა