ფედერერი ამერიკის ღია პირველობას მერვედფინალური სტადიიდან გამოეთიშა. შვეიცარიელი ჩოგბურთელი ავსტრალიელ ჯონ მილმენთან ანგარიშით 3:6, 7:5, 7:6 (9:7), 7:6 (7:3) დამარცხდა.
37 წლის ფედერერისა და მილმენის შეხვედრა სამ საათსა და 35 წუთს გაგრძელდა.
აღსანიშნავია, რომ მილმენი ამ დროისთვის ATP-ის რეიტინგში 55-ე ადგილზე იმყოფება და ფედერერი US OPEN-ის ისტორიაში პირველად დამარცხდა რეიტინგის 50-ეულის გარეთ მყოფ მეტოქესთან. თავის მხრივ, არც მილმენს დაუმარცხებია არასდროს რეიტინგის ათეულში მყოფი ჩოგბურთელი.
"როჯერს დიდ პატივს ვცემ, ის ჩემი გმირია" - განაცხადა ავსტრალიელმა შეხვედრის შემდეგ.
29 წლის ჯონ მილმენი მეოთხედფინალში ნოვაკ ჯოკოვიჩს შეხვდება. იგი დარჩენილ 8 სპორტსმენს შორის ერთადერთი განუთესავი მონაწილეა.
Us Open: ბასილაშვილი ნადალთან ღირსეულ ბრძოლაში დამარცხდა - მისი პროგრესი აშკარაა! [VIDEO]
როჯერ ფედერერი: ცოტა უცნაურია, რომ მოვიდა ფეხბურთელი და ჩვენს სამყაროში ერევა
![როჯერი საჩოგბურთო სამყაროს დაემშვიდობა - ატირებული ნადალი და ჯოკოვიჩი... ემოციური საღამო ლონდონში [VIDEO]](/pictures/image7/69e892cbfe7b5a84bacc6cf71e360f8c.jpg "როჯერი საჩოგბურთო სამყაროს დაემშვიდობა - ატირებული ნადალი და ჯოკოვიჩი... ემოციური საღამო ლონდონში [VIDEO]")
