ფოტო: wtatennis.com
მაიამის ღია პირველობის ფინალში ეშლი ბარტიმ კაროლინა პლიშკოვა 7:6, 6:3 დაამარცხა და კარიერაში მეოთხე ტიტული მოიგო.
როგორც ჟურნალისტებს მატჩის შემდეგ 22 წლის ბარტიმ განუცხადა, 2014-2016 წლებში კარიერის შეწყვეტისა და კრიკეტში გადასვლის შესახებ მისი გადაწყვეტილება ლოგიკური იყო.
"უნიკალური გზა გავიარე. ის გადაწყვეტილება კრიკეტში გადასვლის შესახებ ლოგიკური იყო. შესვენება მჭირდებოდა. მე დავისვენე, გავიცანი ახალი მეგობრები, მაგრამ ჩოგბურთი ყოველთვის ჩემი სპორტი იყო. უბრალოდ, ალბათ, საჭირო იყო მისგან დისტანცირება, რათა გამეგო, რამდენად ძლიერად მიყვარს მე ეს თამაში. მე უფრო ძლიერი დავბრუნდი.
როდესაც
კარგად ვთამაშობ, შემიძლია საუკეთესოებს წინააღმდეგობა გავუწიო. ჩოგბურთის სირთულეც და სილამაზეც სწორედ ისაა, რომ ყოველთვის წინ უნდა მიდიოდე და სიამოვნებას იღებდე ამ პროცესისგან. ჩემთვის ყველაზე მთავარი კორტზე გამოსვლა და საკუთარი თამაშის ჩვენებაა", - განაცხადა მაიამის მასტერის გამარჯვებულმა.
ეშლი ბარტიმ გამარჯვებულისთვის განკუთვნილი 1 354 010 დოლარი და 1000 სარეიტინგო ქულა მიიღო და WTA-ს ახალ რეიტინგში ის მე-9 პოზიციას დაიკავებს.
რაც შეეხება ვაჟთა ტურნირს, დღეს, 31 მარტს 21:00 საათზე გამარჯვებულს ავსტრალიელი როჯერ ფედერერი და ამერიკელი ჯონ იზნერი გაარკვევენ.
![alt](/pictures/image50/b24913411db18260b2b682d011a71b2e.jpg "ეშლი ბარტის გზა - ჩოგბურთიდან კრიკეტში წასვლა, დაბრუნება და "მაიამის" ტურნირის მოგება")
მაიამის ღია პირველობა: ნიკოლოზ ბასილაშვილი ფელიქს ოჟე-ალიასიმთან დამარცხდა
![alt](/pictures/image50/e5814c3323e69c8a2c2266f7a8d3247d.jpg "ეშლი ბარტის გზა - ჩოგბურთიდან კრიკეტში წასვლა, დაბრუნება და "მაიამის" ტურნირის მოგება")
როგორ აღზევდა ნიკოლოზ ბასილაშვილი 13 თვეში მე-18 ადგილამდე? - პასუხები ATP-ის სტატიაშია
![US OPEN: მარიამ ბოლქვაძე პლიშკოვასთან დამარცხდა - ახლა მთავარია, პროგრესი არ შეწყვიტოს [VIDEO]](/pictures/image7/fd06b9d43c8f561d8b3539cc8c2f8532.jpg "US OPEN: მარიამ ბოლქვაძე პლიშკოვასთან დამარცხდა - ახლა მთავარია, პროგრესი არ შეწყვიტოს [VIDEO]")
