ქართველი ქალი ჩოგბურთელები ეკატერინე გორგოძე და ოკსანა კალაშნიკოვა ევროპულ ტურნირებში ჩაერთვებიან.
ეკატერინე გორგოძე ხორვატიაში 125-ათასიანი კატეგორიის ტურნირზე ერთეულთა თანრიგის ძირითად ბადეში ასპარეზობს. მისი პირველი მეტოქე რუსი სპორტსმენი, მსოფლიოს 144-ე ჩოგანი ვარვარა ფლინკია. ტურნირის გამარჯვებული 20,000 დოლარს და 160 სარეიტინგო ქულას გამოიმუშავებს. ამჟამად ეკატერინე გორგოძე მსოფლიოს 152-ე ჩოგანია. უკანასკნელად ქართველმა გოგონამ ჟირონას 60 000-დოლარიან ტურნირზე ითამაშა, რომელშიც ნახევარფინალში გასვლა მოახერხა და 2,683 დოლარიც გამოიმუშავა.
ოქსანა კალაშნიკოვა კი დიდ ბრიტანეთში, 100,000-დოლარიანი კატეგორიის ტურნირზე რუს მეწყვილე ანნა ბლინკოვასთან ერთად მესამე ნომრად არის განთესილი.
პირდაპირი ტრანსლაციები, სამწუხაროდ, არ მიმდინარეობს, თუმცა ქართველი გოგონების შედეგებს თვალი ქვევით არსებული ბმულის საშუალებით შეგიძლიათ ადევნოთ.
