27 ივლისს, ქართველმა ჩოგბურთელმა ნიკოლოზ ბასილაშვილმა ჰამბურგის ტურნირის ნახევარფინალში ალეკსანდ ზვერევი ტაი-ბრეიკში დაამარცხა. მატჩი 3 საათი და 7 წუთი გაგრძელდა.
ბასილაშვილმა მსოფლიოს მეხუთე ჩოგანი 3 სეტში ანგარიშით 6:4, 4:6, 7:6 (7:5) დაამარცხა და ფინალში გავიდა.
აღსანიშნავია, რომ ტაი-ბრეიკში ნიკოლოზი 2:5-ს აგებდა და მაინც მოახერხა გამარჯვების მოპოვება.
ბასილაშვილმა 4 ეისი შეასრულა და 9 ორმაგი შეცდომა დაუშვა, ხოლო მისმა მეტოქემ 14 ეისი შეასრულა და 9 შეცდომა დაუშვა.
აღსანიშნავია, რომ ბასილაშვილმა კარიერის განმავლობაში ზვერევი პირველად დაამარცხა, აქამდე მას ორჯერ შეხვდა და ორივეჯერ წააგო.
ბასილაშვილმა კარიერაში მეოთხედ მოუგო რეიტინგის ათეულში შემავალ მოწინააღმდეგეს.
შეგახსენებთ, ბასილაშვილი ჰამბურგის ტურნირის მოქმედი ჩემპიონია და ფინალში ანდრეი რუბლევს შეხვდება. ფინალი თბილისის დროით 14:00 საათზე დაიწყება. ქართველ გულშემატკივარს მისი ხილვა Silk Universal-ზე შეეძლება.
ნახევარფინალამდე ბასილაშვილმა კოლუმბიელ უგო დელეინის, არგენტინელ ხუან ლონდეროს და ფრანგ ჟერემი შარდის სძლია.
დაახურდავებს ნიკოლოზ ბასილაშვილი რუბლევს? [VIDEO]
ნიკოლოზ ბასილაშვილი: არ ვამჟღავნებდი, მაგრამ ჩემში ემოციები დუღდა
ალეკსანდრ ზვერევი: მეგონა, ბასილაშვილსაც შემოვუტრიალებდი თამაშს
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
