მსოფლიოს მე-4 ჩოგანმა, ავსტრიელმა დომინიკ ტიმმა ამერიკის ღია ჩემპიონატზე პირველივე წრეში მსოფლიოს 87-ე ჩოგანთან, იტალიელ ტომას ფაბიანოსთან 4 სეტში წაგების (4:6, 6:3, 3:6, 2:6) შემდეგ usopen-თან კომენტარი გააკეთა.
"არაფერი განსაკუთრებული არ მომხდარა. ტურნირის წინ ვამბობდი, რომ ერთ მატჩს ჩავატარებ, მაგრამ არ ვიცი, რა მოხდება-მეთქი. პირველი ორი სეტის შემდეგ ძალიან დავიღალე. იდეალური ფორმისგან შორს ვარ და ასეთ ვითარებაში გამარჯვება რთულია.
მე კორტზე იმ იმედით გამოვედი, რომ ჩოგბურთში, ორკვირიან ტურნირზე ყველაფერი შეიძლება მოხდეს, თუმცა ჩემს შემთხვევაში კარგი არაფერი მოხდა.
ვულოცავ მოწინააღმდეგეს, გამიხარდა
მისი წარმატება. მე ტომასის თამაშის შეფასება არ შემიძლია, რადგან ის დომინიკ ტიმს არ ეთამაშებოდა. ეს მე არ ვიყავი", - თქვა ტიმმა.
25 წლის ტიმის საუკეთესო შედეგი ამერიკის ღია ჩემპიონატზე მეოთხედფინალია, სადაც ის გასულ წელს გავიდა და რაფაელ ნადალთან 5-სეტიან ურთულეს ბრძოლაში დამარცხდა. მართალია, ტიმმა 350 სარეიტინგო ქულა დაკარგა, თუმცა რეიტინგში დაქვეითება არ ელოდება, თუ დანილ მედვედევი დიდ სენსაციას არ შემოგვთავაზებს.
ფედერერის კარიერაში US Open-ზე ეს 2003 წლის შემდეგ მეორედ მოხდა [VIDEO]
![პირველი დიდი სენსაცია "როლან გაროსზე" [VIDEO]](/pictures/image7/38b5dc150ee63095a94e3f2c10a40ac4.jpg "პირველი დიდი სენსაცია \"როლან გაროსზე\" [VIDEO]")
![ტიმის ქამბექი და ამღერებული გულშემატკივარი [VIDEO]](/pictures/image7/be67ee32e109d4e0061b62475c4297a9.jpg "ტიმის ქამბექი და ამღერებული გულშემატკივარი [VIDEO]")
![ზედიზედ მეორედ, ტიმი ფინალში დამარცხდა, რუსი ჩემპიონია [VIDEO]](/pictures/image7/51b7bdcff7f825702fc1598884b3058f.jpg "ზედიზედ მეორედ, ტიმი ფინალში დამარცხდა, რუსი ჩემპიონია [VIDEO]")
