35 წლის იტალიელმა ჩოგბურთელმა ანდრეას სეპიმ, რომელიც ამჟამად მსოფლიოს 77-ე ჩოგანია, ATP ტურის ოფიციალურ ვებგვერდთან ინტერვიუს დროს სხვადასხვა სათამაშო კომპონენტში საუკეთესოები დაასახელა და "ბექჰენდის" შეფასებისას, საუკეთესოებს შორის ნიკოლოზ ბასილაშვილიც დაასახელა ისეთი მოთამაშეების გვერდით, როგორებიც დავიდ ნალბანდიანი და ნოვაკ ჯოკოვიჩი არიან.
"საუკეთესო "ბექჰენდის" არჩევა ძალიან რთულია, თუმცა მე ორი ხელით შესრულებულ "ბეჰქენდს" ავირჩევ. ძალიან მომწონდა დავიდ ნალბანდიანის მიერ შესრულებული "ბექჰენდი". ის იმ იშვიათთაგან ერთ-ერთი იყო, ვისაც "ბექჰენდით" ნებისმიერი კუთხის აღება შეეძლო, მოკლე კუთხე, ხაზთან ახლოს და ამას ძალიან იოლად აკეთებდა. მე
მართლაც მოხიბლული ვიყავი.
კეი ნიშიკორის "ბექჰენდიც" მომწონს, მისიც ისე ჩანს, თითქოს ძალიან მარტივად გამოსდის. ვფიქრობ, რომ ნოვაკ ჯოკოვიჩის "ბექჰენდი" კარგია, განსაკუთრებით, მიღების დროს. თან ყოველთვის კარგად იყენებს.
ნიკოლოზ ბასილაშვილი ძალიან მომწონს "ბექჰენდზე", რადგან ის ძალიან სწრაფად თამაშობს. ის ძალიან სწრაფად და ეფექტურად ანაწილებს დროს. თუმცა, თუ 1-ის არჩევა მომიწევდა, ალბათ ნალბანდიანს ვიტყოდი", - განაცხადა იტალიელმა ჩოგბურთელმა, რომელსაც კარიერაში 10 მილიონ დოლარზე მეტი აქვს მოგებული.
მრავლისმეტყველია, როცა გამოცდილი ჩოგბურთელი ნიკოლოზის სათამაშო კომპონენტს ერთ-ერთ საუკეთესოდ მიიჩნევს. ნოვაკ ჯოკოვიჩი ყველა დროის ერთ-ერთი საუკეთესო ჩოგბურთელია; სტაბილურობით გამორჩეულ კეი ნიშიკორისაც კარგად იცნობს ჩოგბურთის გულშემატკივარი; დავიდ ნალბანდიანი, მსოფლიოს მე-3 ჩოგანი, სომხური წარმოშობის არგენტინელი, შესანიშნავი ჩოგბურთელი იყო. რომ არა რაფასა და როჯერის ერაში ყოფნა, ალბათ, მსოფლიოს პირველი ჩოგანიც გახდებოდა.
![alt](/pictures/image50/86a5cd3531e9fdfebee5ad3ca27734fe.jpg ""ჯოკოვიჩი, ნალბანდიანი, ბასილაშვილი" - ანდრეას სეპიმ საუკეთესო "ბექჰენდი" დაასახელა")
ისევ ნადალი? - ცნობილი გახდა, ვის შეხვდებიან ნიკოლოზ ბასილაშვილი და ნიკოლოზ მეტრეველი ATP CUP-ზე![alt](/pictures/image50/aeb5b7aa3d0b591bb0d72003c133bf03.jpg ""ჯოკოვიჩი, ნალბანდიანი, ბასილაშვილი" - ანდრეას სეპიმ საუკეთესო "ბექჰენდი" დაასახელა")
ნიკოლოზ ბასილაშვილი წლის ბოლოს ოპერაციას გაიკეთებს - 4 სექტემბრის დაიჯესტი
![ჯოკოვიჩი ავსტრიაში გაანადგურეს[VIDEO]](/pictures/image7/7525af80e3c62128f512a0e409242be4.jpg "ჯოკოვიჩი ავსტრიაში გაანადგურეს[VIDEO]")
![[ისტორია] ბასილაშვილის ერთ-ერთი საუკეთესო მატჩი რუბლიოვის წინააღმდეგ [VIDEO]](/pictures/image7/d4dfc8d825a7e64f517e85324842d4b0.jpg "[ისტორია] ბასილაშვილის ერთ-ერთი საუკეთესო მატჩი რუბლიოვის წინააღმდეგ [VIDEO]")
