ანტალიაში მიმდინარე 250-იანი კატეგორიის ტურნირის 1/32-ფინალში ნიკოლოზ ბასილაშვილმა იტალიელი ანდრეა არნაბოლდი სამ სეტში 4:6, 7:5, 6:1 დაამარცხა.
ქართველმა 6 ბრეიკი გააკეთა, საკუთარი ჩაწოდება კი 4-ჯერ დაკარგა. ჩვენებურის ანგარიშზე 3 ეისი და ამდენივე ორმაგი შეცდომა დაფიქსირდა.
საინტერესოა, რომ ბასილაშვილი მეორე სეტში 4:5 აგებდა და მეტოქე მატჩზე აწვდიდა, თუმცა მან ბრეიკი გაახერხა და შემდეგ უკვე ზედიზედ 8 გეიმიც სათავისოდ დაიტოვა.
აღსანიშნავია, რომ 2020 წლის იანვრის შემდეგ ნიკოლოზმა პირველი შეხვედრა მოიგო. მას აქამდე ზედიზედ 11
დაპირისპირება ჰქონდა წაგებული.
1/16-ფინალში ბასილაშვილი თურქ ალტუგ ჩელიქბელიქსა და და პოლონელ კასპერ ჟუკს შორის უკეთესს დაუპირისპირდება.
ბასილაშვილის წერილი შვილს: მამიკო, ძალიან მინდა შენი ხმის გაგონება...
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
