დღეს 2020 წლის ტოკიოს ოლიმპიურ თამაშებზე 2 ფინალისტის ვინაობა გაირკვა.
პირველ შეხვედრაში რუსეთის ოლიმპიური კომიტეტის წარმომადგენელი კარენ ხაჩანოვი (25) ესპანელ კარენო ბუსტას (11) დაუპირისპირდა და ორ სეტში 6:3 6:3 დაამარცხა.
1-ელ სეტში რუსმა ჩოგბურთელმა მეტოქის ორი მოწოდება მოიგო - მე-5 სეტში ბრეიკით დაწინაურდა, ხოლო მეცხრეში ბუსტას ჩაწოდებაზე სეტი თავის სასარგებლოდ დახურა.
მეორე ნახევარი სპორტსმენებმა აქტიურად დაიწყეს, ხაჩანოვმა კი გარდამტეხი უპირატესობა მე-6 გეიმში მოიპოვა, როდესაც ესპანელი ჩოგბურთელის მოწოდებაზე 40:15 დაწინაურდა, მიღებული ფორა კი აღარ გაანიავა და ოლიმპიური ფინალის საგზურიც მოიპოვა.
მეორე
შეხვედრაში ერთმანეთს სერბი ნოვაკ ჯოკოვიჩი (1) და გერმანელი ალექსანდრ ზვერევი (5) დაუპირისპირდნენ. შეხვედრა გერმანელის გამარჯვებით, 1:6 6:3 6:1 დასრულდა.
1-ელ სეტში ნოვაკმა 6:1 მოიგო. მეორე სეტის მე-5 გეიმში სერბმა კიდევ ერთხელ შეძლო ზვერევის მოწოდების აღება, რითაც გულშემატკივარი, ფაქტობრივად, მის გამარჯვებაში დაარწმუნა, თუმცა გერმანელი დანებებას არ აპირებდა და ზედიზედ ორჯერ ნოლეს გეიმის მოგება და მეორე სეტის 6:3 დასრულება მოახერხა.
შეხვედრა მესამე, გადამწყვეტ სეტში გადავიდა, სადაც ახალგაზრდა ვარსკვლავი შესანიშნავად გამოიყურებოდა. საწყისი გათამაშებებიდანვე ჩანდა, რომ ნოვაკს ნელ-ნელა პრობლემები ეწყებოდა, რითაც "საშამ" შესანიშნავად ისარგებლა და 6:1 იმარჯვა.
ამრიგად, ფინალში ერთმანეთს კარენ ხაშანოვი და ალექსანდრ ზვერევი შეხვდებიან. მატჩი თბილისის დროით 1-ელ აგვისტოს, 10 საათზეა ჩანიშნული, მესამე ადგილისთვის კი ნოვაკ ჯოკოვიჩი და კარენო ბუსტა ხვალ, 31 ივლისს, ჩვენი დროით 10 საათზე დაუპირისპირდებიან.
ბასილაშვილი ზვერევთან თანაბარ თამაშში დამარცხდა [VIDEO]
![ზვერევმა მძიმე ტრავმა მიიღო და თამაში ვეღარ გააგრძელა... დრამატული და ემოციური მატჩი საფრანგეთიდან [VIDEO]](/pictures/image7/9f2077bc4c6bead2ecc35f3ed126ca88.jpg "ზვერევმა მძიმე ტრავმა მიიღო და თამაში ვეღარ გააგრძელა... დრამატული და ემოციური მატჩი საფრანგეთიდან [VIDEO]")
![თრილერი - ნადალმა ჯოკოვიჩი 4-საათიან მარათონში დაამარცხა [VIDEO]](/pictures/image7/e681361d04f45e966471993562e8c2d3.jpg "თრილერი - ნადალმა ჯოკოვიჩი 4-საათიან მარათონში დაამარცხა [VIDEO]")
