ამერიკაში მიმდინარე ინდიან უელსის ტურნირის 1/16-ფინალში ქართველმა ნიკოლოზ ბასილაშვილმა (36) ესპანელი ალბერტ რამოს-ვინოლასი (48) 3 სეტში 4:6 7:6 6:2 დაამარცხა და მერვედფინალში გავიდა.
პირველი სეტი ნიკოლოზმა 4:6 დათმო, თუმცა მეორეში 5:3 იყო ანგარიში, როცა სეტზე აწვდიდა. ესპანელმა ქართველის მოწოდება მოიგო და შემდეგ ანგარიშიც გაათანაბრა - 5:5. მომდევნო გეიმი ბასილაშვილმა საკუთარ მოწოდებაზე უქულოდ დაასრულა და ამჯერად ვინოლასი მატჩზე აწვდიდა. ნიკამ იბრძოლა, მეორე ბრეიკ პოინტი გამოიყენა და მატჩი ტაი ბრეიკში გადაიყვანა, სადაც იოლად იმარჯვა (7:2) და სეტებში ანგარიში გაათანაბრა - 1:1.
მე-3 სეტი რადიკალურად განსხვავებულად წარიმართა. მატჩის სადავეები ხელთ ნიკოლოზმა იგდო და მარტივად, 6:2 მოიგო.
ქართველი მერვედფინალშია, მისი მეტოქე კი რუსი კარენ ხაჩანოვი (29) იქნება. მატჩი 14 ოქტომბერს, თბილისის დროით 01:15 საათზეა ჩანიშნული.
ეს ჩოგბურთელები ერთმანეთს 5-ჯერ შეხვდნენ, საიდანაც 3 გამარჯვება ნიკამ იზეიმა, კარენმა კი - 2.
![alt](/pictures/image50/d6781cfdd98facc5c67bb1358f5624f5.jpg ""ბასილა" ამოქმედდა - ნიკამ ესპანელი დაამარცხა და მერვედფინალში გავიდა [VIDEO]")
ბასილაშვილი ყველაზე პრესტიჟული მასტერსის მეორე წრეში გავიდა
![ბასილაშვილი 5-სეტიან თრილერში ენდი მარისთან დამარცხდა [VIDEO]](/pictures/image7/939c33e48802dfbc8ffdb9cec8fe1fd7.png "ბასილაშვილი 5-სეტიან თრილერში ენდი მარისთან დამარცხდა [VIDEO]")
![სამწუხაროდ, მძიმე ბრძოლაში ნიკოლოზი ყოფილ 1-ელ ნომერთან დამარცხდა [VIDEO]](/pictures/image7/a9162164212f71e4092c9833ca0f9ef9.jpg "სამწუხაროდ, მძიმე ბრძოლაში ნიკოლოზი ყოფილ 1-ელ ნომერთან დამარცხდა [VIDEO]")
